ەكونوميكانى دامىتۋعا باعىتتالعان 500 جوبانىڭ ىشىنەن 25 ۇزدىك جوبا ۇسىنىلدى
الماتىداعى «Jas Otan» كوۆوركينگ ورتالىعىندا Creative Jastar جوباسى اياسىندا «ۇزدىك يننوۆاسيالىق ستارتاپتار» بايقاۋىنا قاتىسۋشىلاردىڭ ءماسليحات دەپۋتاتىمەن كەزدەسۋى ءوتتى، دەپ حابارلايدى Almaty-akshamy.kz.
سونداي-اق جيىن بارىسىندا «اتامەكەن» قازاقستان رەسپۋبليكاسىنىڭ ۇلتتىق كاسىپكەرلەر پالاتاسى وكىلدەرىمەن كەزدەسۋ بولىپ، ماكەتتەر كورمەسى ۇيىمداستىرىلدى.
قازاقستان رەسپۋبليكاسى تاۋەلسىزدىگىنىڭ 30 جىلدىعىنا وراي «قازاقستان جاستارى فراكسياسى» قق مەن «Jas Otan» جاستار قاناتى بىرلەسىپ ۇيىمداستىرۋىمەن جانە الماتى قالاسى اكىمدىگىنىڭ جانىنداعى قوعامدىق دامۋ باسقارماسىنىڭ قولداۋىمەن «CREATIVە JASTAR» جوباسى قولعا الىندى.
«ۇزدىك يننوۆاسيالىق ستارتاپتار» كونكۋرسىنا قاتىسۋشىلار جوبالارىنىڭ كورمەسى «Jas Otan» كوۆوركينگ ورتالىعىندا ءوتتى. «نۇر وتان» پارتياسىنىنىڭ الماتى قالالىق ءماسليحات دەپۋتاتى قايرات قۇدايبەرگەن جانە الماتى قالاسى كاسىپكەرلەر پالاتاسىنىڭ المالى اۋداندىق فيليالىنىڭ ديرەكتورى مادييەۆ تەمىرلان حالەل ۇلى، سونداي-اق كاسىپكەرلىكتى قارجىلاي ەمەس قولداۋ ءبولىمىنىڭ باسشىسى ءومىرباي ابزال عالىم ۇلى كونكۋرسقا قاتىسۋشىلاردىڭ جوبالارىمەن تانىستى.
ىرىكتەۋدىڭ بىرنەشە كەزەڭىنەن وتكەن ۇزدىك 25 قاتىسۋشى قازىلار القاسى، ساراپشىلار جانە دەمەۋشىلەر الدىندا 12 نوميناسيا بويىنشا ءوز جوبالارىن قورعادى.
ءىس-شارا بارىسىندا جاستاردىڭ يننوۆاسيالىق الەۋەتىن دامىتۋعا، سونداي-اق ەلىمىزدىڭ كرەاتيۆتى ەكونوميكاسىن دامىتۋعا باعىتتالعان 500 جوبانىڭ ىشىنەن 25 ۇزدىك جوبا ۇسىنىلدى.
ستوماتولوگيالىق جانە مەديسينالىق ترەناجەرلار ءوندىرىسى بويىنشا جوبالار، قالاداعى ەكولوگيالىق جاعدايعا قارسى كۇرەس بويىنشا جوبالار، يننوۆاسيالىق اقىلدى ءۇي جۇيەسى، بولمەدەگى اۋانى تازارتۋعا ارنالعان بريزەر ءوندىرىسى، الداعى ءىس-شارالار تۋرالى اقپاراتتاندىرۋ ءۇشىن ءموبيلدى قوسىمشا ازىرلەۋ، ەرەكشە ادامدارعا ارنالعان ورتالىق قۇرۋ ، ەلدە ءتۋريزمدى دامىتۋ بويىنشا جوبالار ۇسىنىلدى.
بۇدان باسقا، كورمەگە الەۋەتتى ينۆەستورلار مەن دەمەۋشىلەر وزدەرىنىڭ ستارتاپ جوبالارىن ودان ءارى ىسكە اسىرۋ ماقساتىندا قاتىستى.