بۇل تۋرالى دەنساۋلىق ساقتاۋ ماگيسترى، «زەرتحانالىق مەديسينا جانە ساراپتاما قاۋىمداستىعى» زاڭدى تۇلعالار بىرلەستىگىنىڭ پرەزيدەنتى رايحان مامىروۆا الماتى وڭىرلىك كوممۋنيكاسيالار قىزمەتى الاڭىندا حابارلادى.
رايحان مامىروۆا جەدەل تەستتەردىڭ ارقاسىندا اۋرۋ جۇقتىرعانداردى، ونىڭ ىشىندە جەڭىل جانە سيمپتومسىز ناۋقاستاردى انىقتاۋعا بولاتىنىن جەتكىزدى، دەپ حابارلايدى Almaty-akshamy.kz
ناتيجەسىندە كوپتەگەن ادامداردى تەستىلەۋ جانە كوروناۆيرۋستى دەر كەزىندە انىقتاۋ ىندەتتىڭ تارالۋىن توقتاتا الادى.
ەسكە سالساق، ەكسپرەسس-تەستتەن وتكىزۋدى كەڭەيتۋ باستاماسى الماتىنىڭ باس سانيتارلىق دارىگەرى جانداربەك بەكشينگە تيەسىلى.
«دۇنيەجۇزىلىك دەنساۋلىق ساقتاۋ ۇيىمى ۇسىنعان سىناقتاردىڭ سەزىمتالدىعى زەرتتەلدى. ءبىزدىڭ عىلىمي توبىمىز وسى سىناقتاردىڭ تيىمدىلىگىن دالەلدەدى، ون ءوندىرۋشىنىڭ سىناقتارىن زەرتتەدى. سىناقتاردى قولدانۋ وتە وڭاي، ءبىر جيىنتىقتا مۇرىن مەن تاماقتىڭ جاعىندىسىن الۋعا ارنالعان زوندتار بار. وسىدان كەيىن زوندتى ارنايى سۇيىقتىققا سالۋ كەرەك. ءبىر جولاق – تەرىس ناتيجەلى، ەكەۋى – وڭ»، - دەدى ر. مامىروۆا.
جەدەل تەستتەردى زەرتتەۋ 10 زەرتحانا نەگىزىندە جۇرگىزىلدى: El Lab PCR، كدل وليمپ، مەديسينا 100+ (ILAB 100+)، SMLAB (Sapa)، GammaLab، ي.س جەكەنوۆا اتىنداعى قالالىق كلينيكالىق ينفەكسيالىق اۋرۋحانا، قالالىق بالالاردىڭ كلينيكالىق ينفەكسيالىق اۋرۋحانا، Innosol، ۇلتتىق ساراپتاما ورتالىعى شجق رمك جانە بيولوگيالىق قاۋىپسىزدىك پروبلەمالارى عىلىمي-زەرتتەۋ ينستيتۋتى (وتار).
- جەدەل تەستتەر ەپيدەميولوگيانىڭ ماڭىزدى قۇرالى بولىپ تابىلادى، - دەيدى ساراپشى. الىنعان ناتيجەلەردىڭ ارقاسىندا ناۋقاستاردى تەز ەمدەۋگە جانە وقشاۋلاۋعا بولادى.