ەلوردادا سيريا ماسەلەسى جونىندەگى استانا پروسەسىنىڭ كەزەكتى وتىرىسى وتەدى
21-22 جەلتوقسان كۇندەرى ەلوردادا سيريا ماسەلەسى جونىندەگى استانا پروسەسىنىڭ كەزەكتى وتىرىسى وتەدى، دەپ حابارلايدى Almaty-akshamy.kz
ق ر سىرتقى ىستەر مينيسترلىگىنىڭ حابارلاۋىنشا، كەلىسسوزدەرگە رەسەي، تۇركيا، يران، سيريا ۇكىمەتتەرىنىڭ جانە سيريالىق وپپوزيسيا دەلەگاسيالارى قاتىسادى.
باقىلاۋشى رەتىندە بۇۇ، يوردانيا، ليۆان جانە يراك وكىلدەرى شاقىرىلعان. جيىن بارىسىندا استانا پروسەسى اياسىندا بۇعان دەيىن قول جەتكىزىلگەن كەلىسىمدەردى ورىنداۋ جانە دەەسكالاسيا ايماقتارىنداعى تۇراقتىلىقتى قولداۋ جايى قاراستىرىلادى.
كەپىلدەگى تۇلعالار بويىنشا جۇمىس توبىنىڭ وتىرىسى دا وتەدى. تاراپتار جەنيەۆاداعى سيريالىق كونستيتۋسيالىق كوميتەت جۇمىسىنىڭ جوسپارلارىن تالقىلاۋى ءتيىس.