الماتىدا ءتورت جاسار بۇلدىرشىنگە ءزابىر كورسەتكەن تاربيەشى سوتتالدى. "احلياك" دەپ اتالاتىن جەكەمەنشىك بالاباقشانىڭ قىزمەتكەرى كىناسىن تولىق مويىنداپ، قاتتى وكىنەتىنىن ايتىپ، كەشىرىم سۇرادى. ەندى ول 4 جىلعا باس بوستاندىعىنان ايىرىلىپ، ون جىل بويى بالالارمەن جۇمىس ىستەۋگە تىيىم سالىندى، - دەپ حابارلايدى اqshamnews.kz ءتىلشىسى "كتك" تەلەارناسىنا سىلتەمە جاساپ.
قىلمىستىق ءىس "ازاپتاۋ" بابى بويىنشا قارالدى. پروكۋرور ايىپتالۋشىنى 6 جىلعا باس بوستاندىعىنان ايىرۋدى سۇراعان. تاربيەشى كىنالى دەپ تانىلىپ، سوت زالىندا قاماۋعا الىندى. ول ەندى قاۋىپسىزدىگى ورتاشا تۇزەتۋ مەكەمەسىنە ءتورت جىلعا اتتانادى. جابىرلەنۋشىنىڭ وتباسىنا ماتەريالدىق وتەماقى تولەۋگە دە مىندەتتەلدى.
ەسكە سالايىق، اقپاندا الەۋمەتتىك جەلىدە تاراعان بەينەجازبا جۇرتتىڭ جاعاسىن ۇستاتقان ەدى. وندا بوبەكجاي قىزمەتكەرى بالانى تۇنشىقتىرىپ، جەردە سۇيرەپ بارا جاتقانى انىق كورىنگەن. ايتا كەتەيىك، بۇل مەكەمە رەسمي بازادا تىركەلمەگەن، ليسەنزياسىز جۇمىس ىستەپ كەلگەن جەكەمەنشىك مەكەمە بولعان.
"سوت شەشىمىمەن تولىق كەلىسەم. بۇل تەك مەنىڭ بالاما ەمەس، بۇكىل بالاباقشالارداعى بالالارعا قاتىستى. ءقازىر بالالارعا قاتىستى زورلىق-زومبىلىق، قورلاۋ جيىلەپ كەتتى. سوعان بايلانىستى بۇل بارىنە ساباق بولسا دەيمىن"، - دەيدى بالانىڭ اكەسى ابىلاي راحاتوۆ.