قازاقستان رەسەي مەن اقش پرەزيدەنتتەرىنىڭ انكوريدجدەگى كەزدەسۋىن ۋكراينا بويىنشا ەڭ جوعارى دەڭگەيدەگى كەلىسسوزدەر ۇدەرىسىنىڭ باستاماسى رەتىندە قۇپتايدى، - دەپ حابارلايدى اqshamnews.kz.
بۇل تۋرالى قازاقستان پرەزيدەنتىنىڭ كەڭەسشىسى – باسپا ءسوز حاتشىسى رۋسلان جەلدىباي مالىمدەدى.
"مەملەكەت باسشىسى قاسىم-جومارت توقايەۆ بۇل تاريحي سامميت ەكى ەل باسشىلارىنىڭ ساياسي ەرىك-جىگەرىنىڭ ارقاسىندا مۇمكىن بولدى دەپ سانايدى"، - دەلىنگەن حابارلامادا.
ولار قازىرگى زاماننىڭ ەڭ باستى پروبلەمالارىنا، سونىڭ ىشىندە ۋكرايناداعى اسكەري ءىس-قيمىلداردى توقتاتۋعا قاتىستى ورتاق شەشىم تابۋعا شىنايى نيەتتى ەكەنىن كورسەتتى.