«قازگيدرومەت» ءۇش قالانىڭ تۇرعىندارىنا ەسكەرتۋ جاسادى، دەپ حابارلايدى aqshamnews.kz
اۋا لاستانۋىنىڭ سەبەبى – قولايسىز مەتەوجاعدايلار
سينوپتيكتەردىڭ مالىمەتىنشە، بۇل قۇبىلىس بىرنەشە اۋا رايى فاكتورىنىڭ توعىسۋىمەن بايلانىستى. اتاپ ايتقاندا، زياندى قوسىندىلار جەر بەتىندەگى اۋا قاباتىندا جينالىپ، تارالمايدى.
«2025 جىلعى 2 شىلدەدە قولايسىز مەتەورولوگيالىق جاعدايلار جەزقازعان، الماتى قالالارىندا جانە تۇنگى ۋاقىتتا استانا قالاسىندا كۇتىلەدى»، – دەلىنگەن «قازگيدرومەت» رمك حابارلاماسىندا.
قولايسىز مەتەوجاعداي دەگەن نە؟
قولايسىز مەتەوجاعدايلار (قمج) – بۇل اتموسفەرالىق قۇبىلىستاردىڭ جيىنتىعى، ولاردىڭ اسەرىنەن اۋاداعى لاستاۋشى زاتتار تارالماي، قورشاعان ورتادا جينالىپ قالادى.
قمج تۋىنداۋىنا سەبەپ بولاتىن فاكتورلار:
تىمىق اۋا رايى؛
باياۋ جەل؛
تۇمان؛
تەمپەراتۋرالىق ينۆەرسيا (جوعارى قاباتتارداعى اۋا جىلىراق بولۋى)
قمج نەلىكتەن ءقاۋىپتى؟
مۇنداي جاعدايلار:
اۋانىڭ ساپاسىن ۋاقىتشا ناشارلاتادى؛
لاستانۋ دەڭگەيىن ارتتىرادى؛
ونەركاسىپ ورىندارى نەمەسە كولىك تىعىز ورنالاسقان اۋدانداردا ءقاۋىپ توندىرەدى؛
دەنساۋلىعى وسال ادامدارعا (بالالار، قارتتار، تىنىس الۋ اۋرۋلارى بار ازاماتتار) ەرەكشە زيان.