بوستاندىق اۋدانى تۇرعىندارىنىڭ وتىنىشىمەن اۋدانى 1 گەكتار جەر ۋچاسكەسى اباتتاندىرىلادى
الماتى اكىمى ەربولات دوسايەۆ جۇمىس ساپارى بارىسىندا جانە بوستاندىق اۋدانىنىڭ تۇرعىندارىمەن كەزدەسۋ اياسىندا اباي داڭعىلىنىڭ وڭتۇستىگىندە جانە گاگارين داڭعىلىنىڭ باتىسىندا ورنالاسقان 1 گەكتار اۋماقتى اباتتاندىرۋ جوسپارىمەن تانىستى، دەپ حابارلايدى اlmaty-akshamy.kz.
بۇل بوس جەر ينفراقۇرىلىم نىسانىنا اينالىپ، الماتىنىڭ وڭتۇستىك بولىگىندەگى قوعامدىق كەڭىستىكتەرگە ماڭىزدى ورىن بولادى. قۇرىلىس جۇمىستارى بيىل 10 قاراشادا باستالدى جانە الماتى اكىمىنىڭ تاپسىرماسىنا سايكەس بوستاندىق اۋدانى تۇرعىندارىنىڭ وتىنىشىمەن قولعا الىنعان. اۋماقتى اباتتاندىرۋدا قوعامدىق تىڭداۋلاردا جانە جوبانى تالقىلاۋ بارىسىندا ايتىلعان دۇنيەلەردى ەسكەرەدى. مۇندا ويىن الاڭى، فۋتبول جانە باسكەتبول الاڭدارى، سكەيتپارك، سونىمەن قاتار، يتتەردى سەرۋەندەۋگە ارنالعان ورىن بار كوپفۋنكسيونالدى قوعامدىق ايماق پايدا بولادى. ۋچاستوكتا ورىندىقتار، قوقىس جاشىكتەرى مەن پەرگولالار قويىلادى. اعاشتار وتىرعىزىپ، سۋارۋ جۇيەسىمەن قامتاماسىز ەتىلەدى. اۋماقتى اباتتاندىرۋ جۇمىستارى الەۋمەتتىك جاۋاپكەرشىلىك اياسىندا جۇرگىزىلەدى.
بوستاندىق اۋدانىنىڭ اكىمى سانجار الين قالا باسشىسىنا بۇگىنگى كۇنى اعاشتاردى سانيتارلىق ماقساتتا بۇتاقتارى كەسىلگەنىن، اعاش وتىرعىزىپ، فۋتبول الاڭى جوندەلگەنى تۋرالى ەسەپ بەردى. قازىرگى ۋاقىتتا جۇمىستىڭ 15%-ى اياقتالدى. جوبانى 2024 جىلدىڭ تامىزىنا دەيىن اياقتاۋ جوسپارلانىپ وتىر.
ەربولات دوسايەۆ ايماقتاردى ءبولۋدى ەسكەرىپ، بوس ۋاقىت پەن دەمالىس الاڭدارىن قايتا قۇرۋدى، قارتتار مەن بالالار ءۇشىن ولاردى اباتتاندىرۋ، شاتىرلار جاساۋدى تاپسىردى. قالا باسشىسى جاڭا قوعامدىق اۋماقتىڭ جوباسى اۋداننىڭ ينفراقۇرىلىمىن جاقسارتىپ قانا قويماي، جىلدىڭ كەز كەلگەن ۋاقىتىندا وتباسىلىق دەمالىس پەن سپورتتىق ءىس-شارالاردىڭ جاڭا ورتالىعىنا اينالاتىنىن اتاپ ءوتتى. سونىمەن قاتار، الماتى اكىمىنە اباي داڭعىلىنان جاندوسوۆ كوشەسىنە دەيىن گاگارين بۋلۆارىن قايتا قۇرۋ جانە اباتتاندىرۋ جوباسى تانىستىرىلدى، بۇل 2024 جىلعا جوسپارلانعان.
انىقتاما ءۇشىن: بوستاندىق اۋدانىن اباتتاندىرۋ اياسىندا بيىل 80 اۋلا اۋماعىندا كۇردەلى جوندەۋ جۇمىستارى اياقتالدى. «حالىق قاتىساتىن بيۋدجەت» جوباسى اياسىندا 4 قوعامدىق كەڭىستىككە، 10 سپورت جانە بالالار الاڭىنا جوندەۋ جۇمىستارىن جۇرگىزۋدى كوزدەيتىن 800 ملن تەڭگەگە 17 جوبا ىرىكتەلدى. 12 جەراستى جانە 7 جەرۇستى جاياۋ جۇرگىنشىلەر وتكەلىنە اعىمداعى جوندەۋ جۇمىستارى جۇرگىزىلىپ جاتىر. 2024 جىلعا «اتاكەنت»، «يۋجنىي» پاركتەرىن، ۇلكەن الماتى جانە ەسەنتاي وزەندەرىنىڭ جاعالاۋلارىن، ءبىرقاتار سۋبۇرقاقتى جانە ت.ب. قامتيتىن تۇڭعىش پرەزيدەنت ساياباعىن كۇردەلى جوندەۋ جوسپارلانعان.