Kazakhstan Blockchain Day – كريپتويندۋستريا مەن ماينينگ نارىعىنىڭ سوڭعى ۇردىستەرى مەن سىن-قاتەرلەرىن تالقىلاۋعا ارنالعان جىل سايىنعى ءىس-شارا.
2-3 اقپاندا «Digital Almaty» حالىقارالىق فورۋمى اياسىندا Blockchain Day 2023 وتەدى، وندا جەتەكشى ساراپشىلار قازاقستاندا سيفرلىق اكتيۆتەر ماينينگى يندۋسترياسىن دامىتۋ ماسەلەلەرىن، كريپتوبيرجالاردى دامىتۋ پەرسپەكتيۆالارىن، سونداي-اق Web 3.0 تەحنولوگيالارىن ەنگىزۋدىڭ ادىستەرى مەن تاسىلدەرىن تالقىلايدى، دەپ حابارلايدى Almaty-akshamy.kz
ول ءبىرىڭعاي الاڭدا 1000-نان استام تىڭداۋشىنى – وتاندىق جانە شەتەلدىك ساراپشىلاردى، كريپتو-ەنتۋزياستاردان باستاپ مەملەكەتتىك جۇيەلەردىڭ وكىلدەرىن جانە پەرسپەكتيۆالىق جوبالاردى ازىرلەۋشىلەردى بىرىكتىرەدى. سونداي-اق، فورۋمدا «Web 3.0: جاڭا ينتەرنەت ريەۆوليۋسياسى» پانەلدىك سەسسياسى وتەدى، ونىڭ اياسىندا بلوكچەين يندۋسترياسى سالاسىنداعى ساراپشىلار مەن دۇنيەجۇزىلىك ەكونوميكالىق فورۋمعا قاتىسۋشىلاردىڭ قاتىسۋىمەن Web 3.0 تۇجىرىمداماسىن ەنگىزۋ جوباسى تالقىلانادى.
Blockchain Day 2023 سپيكەرلەرى رەتىندە قازاقستاندىق بلوكچەين-تەحنولوگيالار قاۋىمداستىعى ءتورالقاسىنىڭ ءتوراعاسى يسلامبەك سالجانوۆ، دەرەكتەر جانە بلوكچەين سالاسىنداعى ساياسات جونىندەگى مامان (ءۇندىستاننىڭ ءتورتىنشى ونەركاسىپتىك ريەۆوليۋسيا ورتالىعى، دۇنيەجۇزىلىك ەكونوميكالىق فورۋم) ارۋشي گوەل؛ «قازپوشتا» اق باسقارما ءتوراعاسى اسەل جاناسوۆا، ۆەنچۋرلىك ينۆەستور جانە MOST Ventures، Falconry VC قورلارىنىڭ نەگىزىن قالاۋشى باقىت نيازوۆ؛ Freedom Bank باسقارۋشى ديرەكتورى ابىلايحان وسپانوۆ، قازاقستانداعى بلوكچەين جانە داتا-ورتالىقتار يندۋسترياسى قاۋىمداستىعىنىڭ ۆيسە-پرەزيدەنتى سەرگەي پۋترا جانە ت. ب. ساراپشىلار وزدەرىنىڭ قاتىساتىنىن راستادى.
فورۋمنىڭ نەگىزگى ماقساتى – ورتالىق ازياداعى بلوكچەين جانە كريپتو-ستارتاپتار تەحنولوگياسىنىڭ پەرسپەكتيۆاسىن زەرتتەۋ. ساراپشىلار «بۇگىنگى تاڭدا بلوكچەين جوبالارى ينۆەستيسيا تارتۋ ءۇشىن جوعارى الەۋەتى بار تۇراقتى بيزنەس پە؟» دەگەن ماڭىزدى سۇراققا جاۋاپ بەرۋگە ۇمتىلادى.
ەسكە سالساق، العاشقى Kazakhstan Blockchain Day ەلوردادا 2021 جىلدىڭ جەلتوقسان ايىندا Astana Hub الاڭىندا ءوتتى. 2023 جىلى فورۋمدى الماتى قالاسىنىڭ اكىمدىگىن جانە قالانىڭ سيفرلاندىرۋ باسقارماسى، قازاقستاندىق بلوكچەين تەحنولوگيالار قاۋىمداستىعى (كابت)، احقو Tech Hub، MOST بيزنەس-ينكۋباتورى، Caspianex كريپتوبيرجاسىمەن، MasterCard، Big One كومپانياسى، سونداي-اق White hill Capital باسقارۋشى كومپانياسىنىڭ سەرىكتەستىگى ۇيىمداستىردى.
فورۋمعا كىرۋ تەگىن. تىركەۋ https://clck.ru/33Ljv2 سايتى ارقىلى جۇرگىزىلەدى. اككرەديتتەلۋ ءۇشىن باق-تان aidana@mostfund.vc پوشتا ارقىلى حابارلاسۋعا بولادى