الماتىدا بيزنەستىڭ جەكە مەكتەپتەردىڭ قۇرىلىسىنا جۇمساعان شىعىندارىن مەملەكەتتىڭ قالاي وتەيتىنى ايتىلدى

ايتا كەتسەك، قازاقستاندا 2019-2021 جىلدارى 94 696 ورىندىق 287 جەكەمەنشىك مەكتەپ اشىلدى، ونىڭ ىشىندە الماتىدا – 41 وقۋ ورنى.

ق ر بعم «قارجى ورتالىعى» اق ىلگەرىلەتۋ جانە سىرتقى كوممۋنيكاسيالار دەپارتامەنتىنىڭ ديرەكتورى الپامىس ساتىبالدين الماتى قالاسىنىڭ وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسى بارىسىندا جەكە مەنشىك مەكتەپتەردى سالۋ نەلىكتەن ءتيىمدى ەكەنىن ايتتى، دەپ حابارلايدى Almaty-akshamy.kz

سپيكەر اتاپ وتكەندەي، ەلىمىزدەگى وقۋشىلار سانى جىل سايىن ارتىپ كەلەدى، سوندىقتان ورتا ءبىلىم بەرۋ سالاسىنداعى ماڭىزدى مىندەتتەردىڭ ءبىرى تولىپ كەتكەن مەملەكەتتىك مەكتەپتەردىڭ جۇكتەمەسىن ازايتۋ، سونداي-اق ءبىلىم بەرۋ ساپاسىن ارتتىرۋ جولىندا مەكتەپتەر اراسىندا سالاۋاتتى باسەكەلەستىكتى دامىتۋ بولىپ تابىلادى. ايتا كەتسەك، قازاقستاندا 2019-2021 جىلدارى 94 696 ورىندىق 287 جەكەمەنشىك مەكتەپ اشىلدى، ونىڭ ىشىندە الماتىدا – 41.

الپامىس ءساتىبالديننىڭ ايتۋىنشا، 2018 جىلدان باستاپ جەكە مەنشىك ءبىلىم بەرۋ ۇيىمدارىندا ورتا ءبىلىم بەرۋگە مەملەكەتتىك ءبىلىم بەرۋ تاپسىرىسىن ورنالاستىرۋ مۇمكىندىگى زاڭدى تۇردە بەكىتىلدى. جەكە مەنشىك مەكتەپتەر ءۇشىن جان باسىنا شاققانداعى قارجىلاندىرۋ ادىستەمەسىمەن جان باسىنا شاققانداعى نورماتيۆ ايقىندالدى.

ادىستەمەگە سايكەس، جان باسىنا شاققانداعى ءنورماتيۆتىڭ مولشەرى ەكى كومپونەنتتەن تۇرادى:

- مەملەكەتتىك جالپىعا مىندەتتى ءبىلىم بەرۋ ستاندارتىن (مجمبس) ىسكە اسىرۋعا ارنالعان وپەراسيالىق شىعىستار. جاڭادان ىسكە قوسىلاتىن جەكەمەنشىك مەكتەپتەر ءۇشىن اعىمداعى جىلعا نورماتيۆ ورتا ەسەپپەن 532 مىڭ تەڭگەنى قۇرايدى؛

- جىلىنا جاڭادان ەنگىزىلگەن ءاربىر وقۋشى ورنى ءۇشىن عيماراتتىڭ امورتيزاسياسىنا ارنالعان شىعىستار:

* قۇرىلىس كەزىندە – 96 اەك (294 مىڭ تەڭگە)،

* رەكونسترۋكسيا كەزىندە – 47 اەك (143 مىڭ تەڭگە).

قارجى ورتالىعىنىڭ وكىلى قازىرگى ۋاقىتتا «دامۋ» كاسىپكەرلىكتى دامىتۋ قورى ارقىلى جاتاقحانالاردى دا، جەكەمەنشىك مەكتەپتەردى دە سالۋ جانە رەكونسترۋكسيالاۋ بويىنشا بانكتىك قارىزداردى سۋبسيديالاۋ تەتىگى جۇمىس ىستەپ تۇرعانىن حابارلادى.

سونىمەن قاتار، ينۆەستوردىڭ بالانىڭ مەكتەپتە بولۋىنىڭ جاقسارتىلعان جاعدايلارىن ۇسىنعانى ءۇشىن اتا-انا تولەماقىسىن الۋعا قۇقىعى بار. مەملەكەتتەن تولەۋ مەرزىمى وتكەننەن كەيىن وبەكت قۇرىلىس سالۋشىنىڭ مەنشىگىندە قالادى. وبەكتىنىڭ نىسانالى ماقساتىن وزگەرتۋگە اۋىرتپالىقتى 20 جىل مەرزىمگە تىركەۋ جالعىز شارت بولادى.