بۇل تۋرالى قوعام بەلسەندىسى بۋراحان داكانوۆ فەيسبۋك پاراقشاسىندا حالىقتان ءسۇيىنشى سۇراپ حابارلادى.
قوعام بەلسەندىسى قانداستاردىڭ جەرگىلىكتى حالىق اراسىنا ءسىڭىسىپ كەتۋىنە قاتىستى ۇسىنىس ايتتى، دەپ حابارلايدى Almaty-akshamy.kz الماتى ارناسىنا سىلتەمە جاساپ.
«ءسۇيىنشى، اعايىن! اتامەكەنگە سوناۋ تۇرىكمەنستاننان ەلىن، جەرىن اڭساعان 265 قازاق كەلە جاتىر. ءسۇيىنشى!!! كوبەيىپ كەلەمىز، ءتىپا-تىپا. بارىنشا تاراتىپ جىبەرىڭىز. بار قازاق كورسىن! قۋانسىن!» - دەپ جازدى قوعام بەلسەندىسى.
بۋراحان داكانوۆ ەلىمىزگە ورالىپ جاتقان قانداستاردى ەندى امان-ەسەن كۇتىپ الىپ، ولاردىڭ جەرگىلىكتى حالىق اراسىنا ءسىڭىسىپ كەتۋى ماسەلەسىنە قاتىستى ۇسىنىسىن ايتتى.
«كوپ اعايىندار بۇل كىسىلەردى سولتۇستىككە كوشىرۋ كەرەك دەپ جاتىر. بۇرىننان بەرى ايتىپ جۇرگەندەي، بۇل اعايىنداردى تەرىسكەيگە اكەلىپ، جەرسىندىرۋ ءۇشىن ارنايى اداپتاسيالىق ورتالىق كەرەك. ايتپەسە، ازداپ قينالىپ قالادى. سولتۇستىككە كوشتى قولداساڭىز، ماعان دوستىق جىبەرىڭىز. تەرىسكەي اۋىلدارىن ادامعا، دالاسىن مالعا ەل بوپ، جەر بوپ، تىزە قوسىپ بىرگە تولتىرايىق»، - دەيدى ب.داكانوۆ.