الماتىداعى جۇمىس ورىندارىنىڭ جارتىسىن شاعىن جانە ورتا بيزنەس قامتاماسىز ەتىپ وتىر، دەپ حابارلايدى aqshamnews.kz
الماتى ەلىمىزدەگى كاسىپكەرلىكتىڭ باستى ورتالىعى رەتىندەگى مارتەبەسىن نىعايتىپ جاتىر. 2025 جىلى شاعىن جانە ورتا بيزنەستى مەملەكەتتىك قولداۋعا 50،6 ملرد تەڭگە ءبولىندى. بۇل قازاقستانداعى باسقا وڭىرلەرمەن سالىستىرعاندا ەڭ كوپ قارجى. وڭىرلىك كوممۋنيكاسيالار قىزمەتىندە الماتى قالاسى اكىمىنىڭ ورىنباسارى ولجاس سماعۇلوۆ وسىلاي دەپ مالىمدەدى.
ونىڭ ايتۋىنشا، الماتىدا شاعىن جانە ورتا بيزنەس جۇمىس ورىندارىنىڭ جارتىسىن قۇرايدى. 2024–2025 جىلى قالانىڭ قارجىلىق باعدارلامالارى اياسىندا جالپى سوماسى 390 ملرد تەڭگە بولاتىن 3،5 مىڭ جوباعا قولداۋ كورسەتىلدى.
«باستى ماقسات — مەيلى كوفەحانا بولسىن، مەيلى ستارتاپ بولسىن، الماتىدا كەز كەلگەن كاسىپكەر قالانىڭ جانە مەملەكەتتىڭ قولداۋىن سەزىنۋى ءتيىس»، — دەدى الماتى قالاسى اكىمىنىڭ ورىنباسارى ولجاس سماعۇلوۆ.