الماتى قالاسىنىڭ اۋەزوۆ اۋدانىندا ماس كۇيدە موپەد باسقارعان 2001 جىلى تۋعان ەر ازامات ۇستالدى. بۇل تۋرالى Polisia.kz سايتىنا سىلتەمە جاساپ Aqshamnews.kz حابارلايدى.
پوليسيا قىزمەتكەرلەرى وتەگەن باتىر كوشەسىندە جول ەرەجەسىن بۇزىپ، كولىكتى سەنىمسىز باسقارعان موپەد جۇرگىزۋشىسىن توقتاتقان. مەديسينالىق ساراپتاما ناتيجەسىندە ونىڭ الكوگولدىك ماساڭ كۇيدە بولعانى انىقتالعان.
سوت قاۋلىسىمەن قۇقىق بۇزۋشى 15 تاۋلىككە اكىمشىلىك قاماۋعا الىنىپ، 7 جىل مەرزىمگە كولىك جۇرگىزۋ قۇقىعىنان ايىرىلدى.
الماتى قالالىق پد وكىلى سەرىك شۋمايەۆتىڭ ايتۋىنشا، ماس كۇيدە كولىك جۇرگىزۋ – جول قوزعالىسىنا قاتىسۋشىلارعا تىكەلەي ءقاۋىپ توندىرەتىن اۋىر قۇقىق بۇزۋشىلىق. بۇل ارەكەتتەر پروفيلاكتيكا جىلى اياسىندا قاتاڭ باقىلاۋدا بولادى.