قازاقستاندا Pfizer-مەن جاپپاي ۆاكسيناسيالاۋعا 2022 جىلدىڭ ناۋرىزىندا رۇقسات بەرىلگەن.
الماتىدا Pfizer BioNTech ۆاكسيناسىنا سۇرانىس ارتتى. الايدا قالادا بۇل ۆاكسينانىڭ تەك 9 951 دوزاسى قالعان، دەپ حابارلايدى Almaty-akshamy.kz.
2021 جىلدىڭ قاراشاسىنان باستاپ بۇگىنگە دەيىن الماتىعا COVID-19-عا قارسى Pfizer ۆاكسيناسىنىڭ 380 250 دوزاسى جەتكىزىلدى.
«مامىردان باستاپ كوپتەگەن ەل شەكاراسىن اشقاندىقتان، بۇل ۆاكسيناعا سۇرانىس ءوستى، سەبەبى وعان ددۇ سەرتيفيكات بەرگەن. كوپ ەلدىڭ تالابى - Pfizerء-دىڭ ەكى كومپونەنتىنىڭ بولۋىن. قازاقستاندا Pfizer-مەن جاپپاي ۆاكسيناسيالاۋعا 2022 جىلدىڭ ناۋرىزىندا رۇقسات بەرىلدى»، - دەدى الماتى قوعامدىق دەنساۋلىق ساقتاۋ باسقارماسىنىڭ وكىلدەرى.
ايتا كەتەيىك، سوڭعى بىرنەشە كۇندە قازاقستاندا تاۋلىگىنە كوروناۆيرۋس جۇقتىرعاندار سانى ارتتى.