ونىڭ 15 600ء-ى مەملەكەتتىك باعدارلامامەن اشىلعان جۇمىس بولسا، 17 مىڭنان استامى - جەكە كاسىپكەرلىك سۋبەكتىلەردىڭ اشقان جۇمىس ورىندارى.
بۇل تۋرالى بۇگىن الماتى قالاسى وڭىرلىك كوممۋنيكاسيالار قىزمەتىنىڭ الاڭىندا ءوتىپ جاتقان باسپا ءسوز ءماسليحاتىندا الماتى قالاسى الەۋمەتتىك ءال-اۋقات باسقارماسى باسشىسىنىڭ ورىنباسارى دانيار الكەباي ۇلى مالىمدەدى، دەپ حابارلايدى Almaty-akshamy.kz
الماتىدا الەۋمەتتىك وسال توپتاردى قورعاۋ، حالىقتى جۇمىسپەن قامتۋ مەملەكەتتىڭ ساياساتىمەن ۇندەس جۇزەگە اسىرىلىپ كەلەدى.
«2021 جىلى «ەڭبەك» مەملەكەتتىك باعدارلاماسى بويىنشا 13 مىڭنان استام ادامدى جۇمىسپەن قامتيمىز دەپ جوسپارلاپ وتىرمىز. 25 مىڭ ادام ورتالىققا جۇمىس ىزدەپ كەلگەن، ونىڭ ىشىندە 17300 ادام جۇمىسپەن قامتىلعان. تولىعىراق ايتار بولسام، 7700 ادام تۇراقتى، 8300 ادام ۋاقىتشا جۇمىسپەن قامتىلدى. ءوز بيزنەس يدەيالارىن ىسكە اسىرام دەۋشىلەرگە 200 اەك كولەمىندە 1000 گرانت ءبولىندى، 493 ادام وسى گرانتتى الىپ، جۇمىستارىن باستاپ كەتتى. قالعانى جىلدىڭ سوڭىنا دەيىن تاپسىرىلادى»، -دەدى الەۋمەتتىك ءال-اۋقات باسقارماسى باسشىسىنىڭ ورىنباسارى.
دانيار الكەباي ۇلىنىڭ ايتۋىنشا، جۇمىسسىزدارعان ارنالعان قىسقا مەرزىمدى كۋرستار دا بار، ونى وقىپ بىتىرگەن تۇرعىندار جۇمىسپەن قامتىلادى.
2020 جىلى باستالعان داعارىسقا قارسى شارانىڭ ءبىرى – جۇمىسپەن قامتۋ جول كارتاسى. ول بويىنشا 259 ادام جۇمىسپەن قامتىلدى، ءارى قاراي دا جالعاسىن تابادى. باسقا دا مەملەكەتتىك باعدارلامالار بويىنشا جاڭا جۇمىس ورىندارى اشىلادى. بۇگىنگى تاڭدا 32 مىڭعا جۋىعى اشىلدى، ونىڭ 15600 مەملەكەتتىك باعدارلامامەن اشىلعان جۇمىس بولسا، 17 مىڭنان استامى جەكە كاسىپكەرلىك سۋبەكتىلەردىڭ اشقان جۇمىس ورىندارى.