12 مەملەكەتتىك مەكتەپتە كۇردەلى جوندەۋ جۇرگىزىلۋدە، 178 مەكتەپتە اعىمداعى جوندەۋ جۇرگىزىلدى.
الماتىدا جاڭا وقۋ جىلىندا العاش رەت مەكتەپكە 30 146 بالا بارادى، دەپ حابارلايدى Almaty-akshamy.kz
بۇل تۋرالى وڭىرلىك كوممۋنيكاسيالار قىزمەتىنىڭ الاڭىندا الماتى قالاسى ءبىلىم باسقارماسىنىڭ باسشىسى ءلاززات جىلقىبايەۆا حابارلادى.
بريفينگتە ءسوز سويلەگەن باسقارما باسشىسى بيىل قايرات شاعىن اۋدانىندا 1500 ورىندىق №211 مەملەكەتتىك مەكتەپ اشىلاتىنىن اتاپ ءوتتى. 12 مەملەكەتتىك مەكتەپتە كۇردەلى جوندەۋ جۇرگىزىلۋدە، 178 مەكتەپتە اعىمداعى جوندەۋ جۇرگىزىلدى.
“1-سىنىپقا قابىلداۋ 1 تامىزدا اياقتالدى. بۇگىنگى تاڭدا 30 146 بالا قابىلداندى، ونىڭ ىشىندە جەكەمەنشىك مەكتەپتەرگە باراتىن – 3 789 بالا. ورتا ءبىلىم بەرۋ ۇيىمدارىندا پاندىك كابينەتتەردىڭ 75،6% جاڭارتىلدى. مەكتەپتەردە بارلىعى 847 پاندىك كابينەت (حيميا، فيزيكا، بيولوگيا، ونىڭ ىشىندە 640 كابينەت زاماناۋي جابدىقتارمەن (جاڭا موديفيكاسيامەن) جاراقتاندىرىلدى، سونىمەن قاتار 75 STEM جانە روبوتوتەحنيكا كابينەتتەرى ساتىپ الىندى”، - دەدى ل. جىلقىبايەۆا.
سونداي-اق، ول جان باسىنا شاققانداعى قارجىلاندىرۋ اياسىندا تاعى 147 كابينەت، ونىڭ ىشىندە: 34 حيميا، 31 فيزيكا، 39 بيولوگيا، 23 STEAM جانە 20 روبوتوتەحنيكا ساتىپ الىنعانىن، بۇل جاراتىلىستانۋ-ماتەماتيكالىق سيكل پاندەرى بويىنشا وقىتۋدى تاجىريبەگە باعدارلاۋعا مۇمكىندىك بەرگەنىن ايتتى.
“وسى جىلدىڭ 1 قىركۇيەگىنەن باستاپ “مەكتەپ اۆتوبۋسى” جوباسى باستالادى. بۇدان بۇرىن ءبىز مەكتەپكە باراتىن جولى قيىن 1-11 سىنىپ ارالىعىنداعى بالالاردى تاسىمالداۋ قاجەتتىلىگىن تالداعان بولاتىنبىز. جالپى تاسىمالداۋ قاجەتتىلىگى 12500 بالانى قۇرايدى. بۇگىنگى كۇنى 100 مەكتەپ اۆتوبۋسىن ساتىپ الىندى (سىيىمدىلىعى 21 ورىندىق 50 اۆتوبۋس جانە 40 ورىندىق 50 اۆتوبۋس). بيىل ءبىز قالانىڭ 7 اۋدانىنان 30 مەكتەپتەن 7 722 بالانى تاسىمالدايمىز. ول ءۇشىن تاسىمالداۋ قىزمەتتەرىنە بيۋدجەتتە 1،4 ملرد. تەڭگە قاراستىرىلعان. ونى “الماتىەلەكتروترانس” جۇزەگە اسىراتىن بولادى”، - دەپ ءبولىستى سپيكەر.
1 قىركۇيەكتەن باستاپ بارلىق اۆتوبۋستار بالالاردى ءتيىستى قاۋىپسىزدىك شارالارىن ساقتاي وتىرىپ، بەكىتىلگەن مارشرۋتتار بويىنشا تاسىمالدايدى. “مەكتەپ اۆتوبۋسى” جوباسىن ىسكە اسىرۋ وقۋشىلاردىڭ اتا-انالارىنا كومەكتەسۋگە، مەكتەپ جاسىنداعى بالالاردىڭ قاۋىپسىزدىگىن ارتتىرۋعا جانە جول قوزعالىسى ترافيگىنە جۇكتەمەنى ازايتۋعا مۇمكىندىك بەرەدى. سونداي-اق وقۋشىلاردىڭ قاۋىپسىزدىگى ماقساتىندا مەكتەپ اۆتوبۋستارىندا 279 بەينەباقىلاۋ كامەراسى ورناتىلدى.
“تاعى ءبىر ءىرى جوبا - كەشەندى قاۋىپسىزدىك جۇيەسىن ەنگىزۋ. بيىلعى جىلدىڭ سوڭىنا دەيىن بارلىق 214 مەملەكەتتىك مەكتەپتە پوليسيانىڭ جەدەل باسقارۋ ورتالىقتارىمەن ينتەگراسيالاناتىن “دابىل تۇيمەلەرىمەن”، وتكىزۋ جۇيەسىمەن (تۋرنيكەتتەر)، ءورت قاۋىپسىزدىگى جۇيەسىمەن، بەينەباقىلاۋ كامەرالارىمەن جابدىقتالعان كەشەندى قاۋىپسىزدىك جۇيەسى ەنگىزىلەتىن بولادى. بۇل جوبا جالپى قۇنى 4،9 ملرد تەڭگە بولاتىن ءۇش جىلدىق سەرۆيستىك مودەل شەڭبەرىندە قارجىلاندىرىلادى”، - دەدى ول.
سونىمەن قاتار، ەكىنشى جىل قاتارىنان قالا اكىمدىگى مەكتەپتەردىڭ 1-4 سىنىپ بالالارى مەن حالىقتىڭ الەۋمەتتىك وسال توپتارىنداعى بالالاردى تەگىن تاماقتاندىرۋ جوباسىن ىسكە اسىرۋدا. تەگىن تاماقپەن جالپى قامتۋ 133 مىڭنان استام وقۋشىنى قۇرايدى (نەمەسە ورتا ءبىلىم بەرۋ ۇيىمدارىنىڭ جالپى كونتينگەنتىنىڭ 45،3%). جالپى 2023 جىلعا وقۋشىلاردى تاماقتاندىرۋعا 20،4 ملرد تەڭگە قاراستىرىلدى. ءبىر كۇندىك تاماقتانۋدىڭ قۇنى – 800 تەڭگە.
بيىل “مەكتەپكە جول” رەسپۋبليكالىق اكسياسى جاڭا وقۋ جىلى قارساڭىندا 1 تامىز بەن 30 قىركۇيەك ارالىعىندا “جاقسىلىق جاسا” ۇرانىمەن جۇرگىزىلۋدە.
باسقارمانىڭ مالىمەتىنشە، “جالپىعا مىندەتتى وقۋ” قورىنان مەكتەپ فورماسى مەن كەڭسە كەرەك-جاراقتارىن ساتىپ الۋ ءۇشىن ءار بالاعا 43 مىڭ تەڭگەدەن حالىقتىڭ الەۋمەتتىك وسال توپتارىنان شىققان 15 653 مىڭ بالانىڭ اتا-انالارىنىڭ شوتتارىنا جولداندى (673،1 ملن تەنگە). سونداي-اق، اكسيا اياسىندا وسى ساناتتاعى بالالارعا دەمەۋشىلەر ەسەبىنەن كومەك كورسەتىلەدى. ول ءۇشىن وقۋ ورنى بويىنشا ءبىلىم بەرۋ ۇيىمىنا ءوتىنىش بەرۋ قاجەت.