3 جاستان 6 جاسقا دەيىنگى 18 118 بالا مەكتەپكە دەيىنگى ۇيىمدارعا كەزەكتە تۇر.
ايتا كەتەيىك، مەگاپوليستە بارلىعى 919 مەكتەپكە دەيىنگى تاربيە مەن وقىتۋ ۇيىمدارى بار، ولاردا 79 600 بالا (194 مەملەكەتتىك، 725 جەكە بالاباقشا) ءبىلىم الادى، دەپ حابارلايدى Almaty-akshamy.kz
بۇل تۋرالى الماتى قالاسىنىڭ وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى ءبىلىم باسقارماسىنىڭ باسشىسى ءلاززات جىلقىبايەۆا مالىمدەدى.
سپيكەردىڭ حابارلاۋىنشا، بۇگىندە 3 جاستان 6 جاسقا دەيىنگى 18 118 بالا مەكتەپكە دەيىنگى ۇيىمدارعا كەزەكتە تۇر.
"وسى ماسەلەنى شەشۋ ءۇشىن بيىل جەرگىلىكتى بيۋدجەت قاراجاتى ەسەبىنەن 6255 ورىندىق 80 بالاباقشا، ونىڭ ىشىندە 5395 ورىندىق 75 جەكە مەنشىك بالاباقشا جانە 860 ورىندىق 4 مەملەكەتتىك بالاباقشا اشۋ جوسپارلانعان. بۇگىنگى تاڭدا 2 630 ورىندىق 47 جاڭا بالاباقشا اشىلدى، ونىڭ ىشىندە 300 ورىندىق 1 مەملەكەتتىك بالاباقشا جانە 46 جەكەمەنشىك بالاباقشا بار"، - دەدى ل. جىلقىبايەۆا.
سونىمەن قاتار، بيىل جەكەمەنشىك بالاباقشالارعا جەرگىلىكتى بيۋدجەت ەسەبىنەن مەملەكەتتىك تاپسىرىس بويىنشا 5000 ورىنعا قارجى ءبولىندى، بۇگىنگى كۇنى 3801 ورىنعا جەكەمەنشىك بالاباقشالاردا مەملەكەتتىك تاپسىرىس ورنالاستىرىلدى. جالپى مەملەكەتتىك ءبىلىم بەرۋ تاپسىرىسى 40 995 ورىنعا 635 جەكەمەنشىك مەكتەپكە دەيىنگى ۇيىمدا ورنالاستىرىلعان.
وسى شارالاردىڭ ناتيجەسىندە 3 جاستان 6 جاسقا دەيىن بالالاردى مەكتەپكە دەيىنگى تاربيە جانە بىلىممەن قامتۋ – 93،5% قۇرادى، جىلدىڭ سوڭىنا دەيىن بۇل كورسەتكىشتى 95% - عا دەيىن ۇلعايتۋ جوسپارلانۋدا.
بۇدان باسقا، 2023 جىلدىڭ قىركۇيەگىنەن باستاپ مەملەكەتتىك مەكتەپكە دەيىنگى ۇيىمداردا حالىقتىڭ الەۋمەتتىك وسال توپتارىنىڭ وتباسىلارىنان شىققان 5 مىڭنان استام بالا تەگىن تاماقپەن قامتاماسىز ەتىلەتىن بولادى.
الماتى قالاسىن دامىتۋدىڭ 2025 جىلعا دەيىنگى باعدارلاماسىن ىسكە اسىرۋ جونىندەگى جول كارتاسى جانە 2030 جىلعا دەيىنگى ورتا مەرزىمدى پەرسپەكتيۆالاردى ورىنداۋ شەڭبەرىندە ءبىلىم باسقارماسىنىڭ قالالىق ءبىلىم بەرۋدەگى جاڭا تەحنولوگيالاردىڭ عىلىمي-ادىستەمەلىك ورتالىعى جانىنان قالالىق مەكتەپكە دەيىنگى رەسۋرستىق ورتالىق قۇرىلدى. ونىڭ باستى ماقساتى بالاباقشا تاربيەشىلەرىن ادىستەمەلىك سۇيەمەلدەۋ.