اقپاراتتى الماتى قالاسى ءبىلىم باسقارماسىنىڭ باسشىسى ءلاززات جىلقىبايەۆا وكق بريفينگىندە ايتتى.
بيىل وقۋلىقتار مەن كوركەم ادەبيەتتەردى ساتىپ الۋعا 3 ملرد 263 مىڭ تەڭگە كولەمىندە قارجىلاندىرۋ كوزدەلگەن، دەپ حابارلايدى Almaty-akshamy.kz. بۇگىنگى تاڭدا 11 باسپامەن 2 ملرد تەڭگەگە شارتتار جاسالدى.
“وقۋلىقتاردى جەتكىزۋ بويىنشا كونكۋرستىق راسىمدەر اياقتالدى. سونىمەن قاتار، بارلىق 214 مەملەكەتتىك مەكتەپ ءۇشىن ەلەكتروندى وقۋلىقتارعا جازىلۋ جالعاسادى”، - دەپ اتاپ ءوتتى ول.
2023-2024 وقۋ جىلىندا 303 مىڭنان استام وقۋشى كۇتىلۋدە، بارلىعى 100% تەگىن وقۋلىقتارمەن جانە وقۋ-ادىستەمەلىك قۇرالدارمەن قامتاماسىز ەتىلەدى.
قازىرگى ۋاقىتتا وقۋلىقتاردى ساتىپ الۋ راسىمدەرى ءجۇرىپ جاتىر.