28 ملن تەڭگەدەن استام بيۋدجەت قاراجاتىن جىمقىرۋ ارەكەتتەرى اشكەرەلەندى
قارجىلىق مونيتورينگ اگەنتتىگىنىڭ الماتى قالاسى بويىنشا اۋماقتىق دەپارتامەنتىنىڭ قىزمەتكەرلەرى «الماتى قالاسى تۇركسىب اۋدانى اكىمىنىڭ اپپاراتى» كمم اباتتاندىرۋ ءبولىمىنىڭ باسشىسى مەن «اstana-كۋرىلىس ءححى» ج ش س باسشىسىنا قاتىستى بيۋدجەت قاراجاتىن جىمقىرۋ فاكتىسى بويىنشا سوتقا دەيىنگى تەرگەپ-تەكسەرۋدى اياقتادى. بۇل تۋرالى اگەنتتىكتىڭ باسپا ءسوز قىزمەتى مالىمدەدى، دەپ حابارلادى Almaty-akshamy.kz
بەلگىلى بولعانداي، مەردىگەر «اstana-كۋرىلىس ءححى» ج ش س مەن تۇركسىب اۋدانى اكىمدىگىنىڭ اباتتاندىرۋ ءبولىمى اراسىندا 71 ملن تەڭگەدەن استام سوماعا «باس قاراسۋ» وزەنىنىڭ ارناسىن قايتا جاڭارتۋعا شارت جاسالعان. الايدا اتالعان قۇجاتقا جالعان مالىمەتتەردىڭ جازىلعانى انىقتالدى.
«ج ش س باسشىسى 2019 جىلدىڭ تامىزىنان قىركۇيەككە دەيىن اۋدان اكىمدىگىنىڭ لاۋازىمدى تۇلعاسىنىڭ كومەگى ارقاسىندا ورىندالعان جۇمىستار اكتىلەرىنە جالعان مالىمەتتەر ەنگىزۋ ارقىلى جالپى سوماسى 28 ملن تەڭگەدەن استام بيۋدجەت قاراجاتىن جىمقىرۋ ارەكەتتەرى جاسالدى. ءبولىم باسشىسى ك.ۆوروپايەۆ پەن «اstana-كۋرىلىس ءححى» ج ش س باسشىسى ە.يسايەۆ 7 جانە 7،5 جىلعا باس بوستاندىعىنان ايىرىلدى»، - دەلىنگەن حابارلامادا.