اۆتوكولىكتە پايدالانۋعا ارنالماعان باللونداردى تولتىرۋعا قاتاڭ تىيىم سالىنادى
بۇل تۋرالى وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسى بارىسىندا ونەركاسىپتىك قاۋىپسىزدىك كوميتەتىنىڭ الماتى قالاسى بويىنشا دەپارتامەنتى باسشىسىنىڭ ورىنباسارى ءادىل قاتۋبايەۆ مالىمدەدى، دەپ حابارلايدى اlmaty-akshamy.kz
ءادىل قاتۋبايەۆ اتاپ وتكەندەي، ولاردىڭ ۆەدومستۆوسى گاز تولتىرۋ پۋنكتتەرىن، سۇيىتىلعان مۇناي گازىنىڭ اۆتوگاز قۇيۋ ستانسيالارىن جانە باسقا دا كوپتەگەن وبەكتىلەردى پايدالاناتىن گاز جەلىسى ۇيىمدارىنىڭ وبەكتىلەرىن گاز جانە گازبەن جابدىقتاۋ سالاسىندا مەملەكەتتىك باقىلاۋدى جۇزەگە اسىرادى.
سپيكەردىڭ ايتۋىنشا، تىيىم سالىنعانىنا قاراماستان، گاز قۇيۋ ستانسيالارىنىڭ كەيبىر يەلەرى وتىندى تۇرمىستىق باللوندارعا تولتىرۋدى جالعاستىرۋدا. ماماندار گاز جابدىقتارىن پايدالانۋ ەرەجەلەرىن بۇزۋشىلاردى جازالاماقشى.
«ناۋرىز ايىنىڭ باسىنان باستاپ ءبىزدىڭ قىزمەتكەرلەر جەرگىلىكتى پوليسيا قىزمەتىمەن، تجد، تۇرعىن ءۇي ساياساتى باسقارماسىمەن بىرلەسىپ گاز باللوندارىن پايدالاناتىن بازارلاردى، سوو، قوعامدىق تاماقتانۋ ورىندارىن تەكسەرۋگە قاتىستى. زاڭ بۇزۋشىلىقتار انىقتالعان جاعدايدا تۇتىنۋشىلارمەن ءتۇسىندىرۋ جۇمىستارى جۇرگىزىلدى»، - دەدى ونەركاسىپتىك قاۋىپسىزدىك كوميتەتى دەپارتامەنتى باسشىسىنىڭ ورىنباسارى.
ءادىل قاتۋبايەۆ ەكى قاباتتان جوعارى تۇرعىن ۇيلەردىڭ پاتەرلەرىنە تۇرمىستىق باللونداردى ورنالاستىرۋعا جانە پايدالانۋعا تىيىم سالىناتىنىن، سونداي-اق اۆتوگاز قۇيۋ ستانسيالارىندا اۆتوكولىكتە پايدالانۋعا ارنالماعان باللونداردى تولتىرۋعا قاتاڭ تىيىم سالىنعانىن ەسكە سالدى.
سپيكەر باللونداردى اگقس-تا تولتىرۋعا تىيىم سالىنعانىن، سەبەبى وندا سالماقتىق باقىلاۋ جوق ەكەنىن ايتتى. باللوندار تولىپ كەتەدى. ال باللونداردى جىلى ءۇي-جايعا ورنالاستىرعان كەزدە، گاز ۇلعايادى، بۇل باللونداردىڭ جارىلۋىنا اكەلەدى.