الماتىدا ءبىرىڭعاي بەينەمونيتورينگ جۇيەسى تولىققاندى ەنگىزىلدى. بۇگىنگى تاڭدا 18،4 مىڭ بەينەكامەرا شىعارىلدى. جىل سوڭىنا دەيىن مەملەكەتتىك مەكتەپتەر مەن بالاباقشالاردا قاۋىپسىزدىكتىڭ كەشەندى جۇيەسى اياسىندا قوسىمشا 21 مىڭ بەينەكامەرا شىعارۋ جوسپارلانۋدا. بۇل تۋرالى ورتالىق كوممۋنيكاسيالار قىزمەتىنىڭ بريفينگىندە الماتى قالاسىنىڭ اكىمى ەربولات دوسايەۆ مالىمدەدى.
جول قوزعالىسى قاۋىپسىزدىگىن قامتاماسىز ەتۋ ءۇشىن "سەرگەك" زياتكەرلىك قاۋىپسىزدىك جۇيەسى 575 اپپاراتتىق-باعدارلامالىق كەشەنگە كەڭەيتىلدى.
ماڭىزدى ناتيجە جكو سانىنىڭ 28%-عا جانە جكو-دا قازا تاپقاندار سانىنىڭ 48%-عا تومەندەۋى بولىپ تابىلادى. بۇل رەتتە ايىپپۇل تۇرىندە قالا بيۋدجەتىنە 8،8 ملرد. تەڭگە ءتۇستى.