بيىل 4ء-شى توقساندا الماتى اكىمىنىڭ حالىقپەن كەزدەسۋ فورماتى وزگەردى. بۇل تۋرالى مەگاپوليس باسشىسى ەربولات دوسايەۆ وكق-دە وتكەن بريفينگكتە جۋرناليستەردىڭ سۇراعىنا جاۋاپ بەردى.
ونىڭ ايتۋىنشا، "حالىق ۇنىنە قۇلاق اساتىن مەملەكەت" تۇجىرىمداماسى اياسىندا جانە ق ر پرەزيدەنتىنىڭ "اكىمدەردىڭ حالىقپەن كەزدەسۋلەرىن وتكىزۋ تۋرالى" جارلىعىن ورىنداۋ ماقساتىندا توقسان سايىن الماتى اكىمىنىڭ قالانىڭ سەگىز اۋدانىنىڭ ارقايسىسىمەن كەمىندە ءبىر كوشپەلى كەزدەسۋى وتكىزىلەدى.
ءۇش توقسان بويى حالىقپەن كەزدەسۋلەر اكت زالدارىندا وتكىزىلدى. سوڭعى ايلاردا الماتى اكىمدىگى گيبريدتى فورماتقا كوشتى.
"كەزدەسۋلەردىڭ فورماتى وزگەردى. مەن اۋداندارعا شىعا باستادىم. بارلىق 8 اۋداندى ارالادىم، پروبلەمالىق ۋچاسكەلەردە بولدىم. مەنىڭشە، مۇنداي سحەما تۇرعىندار ءۇشىن دە ىڭعايلى، ءبىز سول جەردە شەشىم قابىلداي الامىز. جالپى بيىل 8 اۋدان بويىنشا 32 كەزدەسۋ وتكىزدىم"، - دەدى ەربولات دوسايەۆ.