الماتى پوليسەيلەرى ءبىرقاتار ۇرلىق جاساعان 22 جاستاعى جىگىتتى ۇستادى.
تەرگەۋدىڭ وسى كەزەڭىندە جاس جىگىتتىڭ 5 ۇرلىققا قاتىسى بار ەكەندىگى بەلگىلى بولدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
"كۇدىكتىنىڭ ۇرلىق كەزىندەگى ارەكەتى كامەرالارعا جازىلىپ قالعان. ۇستالعان ازامات ءوز كىناسىن مويىنداپ، زاڭسىز بايۋ ماقساتىندا قىلمىس جاساعانىن ايتتى. ول قاراۋسىز قالعان كولىكتەردى انىقتاپ، ولاردى ۇرلاپ كەتكەن. بوتەننىڭ مۇلكىن جاسىرىن ۇرلاۋ دەرەگى بويىنشا سوتقا دەيىنگى تەرگەۋ امالدارى جۇرگىزىلىپ جاتىر. جەدەل جانە تەرگەۋ شارالارى جالعاسۋدا. كۇدىكتى قاماۋعا الىندى"، — دەدى اۋەزوۆ اۋداندىق پوليسيا باسقارماسىنىڭ باستىعى ۇلان ءابىلقايىر.
ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.