الماتىدا NEET ساناتىنداعى جاستاردىڭ ۇلەسى ازايدى

الماتى قالاسى جاستار ساياساتى باسقارماسى NEET-جاستاردىڭ ۇلەسىن 2024 جىلدىڭ I توقسانىندا 7،4% - دان (47،9 مىڭ) 6،6% - عا دەيىن (43،9 مىڭ) تومەندەتۋگە مۇمكىندىك بەرگەن جاستاردى الەۋمەتتەندىرۋدىڭ جۇيەسىن قۇردى، دەپ حابارلايدى almaty-akshamy.kz 

بۇگىندە الماتىدا 14 پەن 35 جاس ارالىعىنداعى 682 مىڭنان استام جاس تۇرادى (تۇرعىنداردىڭ جالپى سانىنىڭ 32%).

سوڭعى جىلدارى NEET-جاستار ماسەلەسى (not in Education، Employment، or Training) كوپتەگەن ەلدەر ءۇشىن نەگىزگى الەۋمەتتىك-ەكونوميكالىق مىندەتتەردىڭ بىرىنە اينالدى. جاستاردىڭ بۇل ساناتى ءبىرقاتار قيىندىقتارعا تاپ بولادى، سونىڭ ىشىندە الەۋمەتتىك وقشاۋلانۋ، ءوزىن-وزى تومەندەتە باعالاۋى  جانە شەكتەۋلى جۇمىس مۇمكىندىكتەرى. 

الماتى قالاسىن دامىتۋدىڭ 2025 جىلعا دەيىنگى جانە 2030 جىلعا دەيىنگى ورتا مەرزىمدى پەرسپەكتيۆالار باعدارلاماسى اياسىندا جول كارتاسى بەكىتىلدى، وندا جاستاردى الەۋمەتتەندىرۋ ءۇشىن جاڭا كەشەندى تاسىلدەر قولدانىلادى.

2023 جىلدىڭ اقپانىندا جۇمىس بەرۋشىلەر مەن جۇمىسپەن قامتۋ ورتالىقتارىنىڭ جۇمىسىن ۇيلەستىرۋگە مۇمكىندىك بەرەتىن قالالىق مانساپ ورتالىعى اشىلدى. ەگەر بۇرىن مانساپ ورتالىقتارى ءار وقۋ ورنىندا بولەك جۇمىس ىستەسە، ءقازىر ولار جۇمىس بەرۋشىلەرمەن، ەڭبەك موبيلدىلىگى ورتالىعىمەن جانە باسقا دا قۇرىلىمدارمەن ءبىر الاڭدا بىرىكتىرىلىپ، ءوزارا جۇمىستىڭ تيىمدىلىگىن ارتتىرۋعا مۇمكىندىك بەردى. ورتالىق بارلىعى 3 مىڭ ادامدى جۇمىسقا ورنالاستىرۋعا جاردەم كورسەتتى.

سونداي-اق، جاستار ساياساتى باسقارماسى 1 اي بويى قالامىزداعى  8 اۋدانىندا  مانساپ كۇندەرىنىڭ سەرياسىن وتكىزۋگە قولداۋ كورسەتتى. 

مانساپ كۇندەرىنىڭ ماقساتى – جاستاردى   جۇمىسقا ورنالاستىرۋ جانە وقىتۋدى ءتيىمدى ۇيلەستىرۋ. ءداستۇر بويىنشا، ءىس-شارادا قالانىڭ 400 ءىرى كومپانياسىنان 1،5 مىڭنان استام بوس جۇمىس ورنى ۇسىنىلادى.

حەدحانتەر.kz، ولح.kz، نايمي.kz پلاتفورمالارىنىڭ دەرەكتەرىن تالداۋ نەگىزىندە وزەكتى ماماندىقتار بويىنشا 30 قىسقا مەرزىمدى كۋرستار بويىنشا وقىتۋ باستالدى (ساتۋ مەنەدجەرى، موبيلوگراف، SMM مەنەدجەرى، گرافيكالىق ديزاينەر، ماركەتولوگ، گيد، كۋرەر جانە ت. ب.). «ءبىر تەرەزە» قاعيداتى بويىنشا ءبىرىڭعاي وقىتۋ ورتالىعىن قۇرۋ جاستارعا بيۋروكراتيالىق ساتىلاردان ءوتۋدى جەڭىلدەتتى جانە جۇمىسقا ورنالاسقانداردىڭ ۇلەسىن ارتتىرۋعا مۇمكىندىك بەردى. 

ماسەلەن، 2023 جىلى 10،8 مىڭ جاس وقىتىلىپ، جۇمىسقا ورنالاستىرىلدى. 2024 جىلدىڭ باسىنان بەرى 3،1 مىڭ جاس وقىتىلدى.

تاعى ءبىر جاڭالىق "Jobfair365" جۇمىسقا ورنالاستىرۋ جانە "SkillBrigde" وقىتۋ قىزمەتتەرى بار  "Jasalmaty.kz" پورتالىن قۇرۋ. "بۇل قالاي جۇمىس ىستەيدى؟" دەگەن سۇراققا باسقارمادا جۇمىسپەن قامتۋ پلاتفورماسىندا ۇسىنىلعان ءاربىر بوس جۇمىس ورنى ءتيىستى "داعدى" تەگتەرىمەن بەلگىلەنەتىنىن ءتۇسىندىردى. مىسالى، پروگراميستەر جۇمىسى باعدارلامالاۋعا جانە ازىرلەۋگە بايلانىستى تەگتەرمەن بەلگىلەنەدى.تەگىن كۋرستاردا ولاردىڭ مازمۇنى مەن  قۇرىلىمىنا قاراي ءتيىستى تەگتەرى بار.

سايت قولدانۋشىلارى جۇمىس ورىندارىن قاراعان كەزدە، ولار وسى سالاعا قاتىستى ۇسىنىلعان تەگىن كۋرستاردى بىردەن كورە الادى. بۇل ولارعا بىلىمدەرىن كەڭەيتۋگە عانا ەمەس، سونىمەن قاتار بەلگىلى ءبىر قىزمەتتە قاجەت  ينسترۋمەنتتەر مەن داعدىلاردى قامتاماسىز ەتۋگە مۇمكىندىك بەرەدى. مۇنداي ينتەگراسيا جۇمىس ىزدەۋ مەن وقۋ پروسەسىن ەداۋىر جەڭىلدەتەدى.

اقپاراتتىق پورتالدىڭ ءقازىردىڭ وزىندە 25 مىڭعا جۋىق بىرەگەي پايدالانۋشىلارى بار. 5 مىڭ جۇمىس بەرۋشى تىركەلىپ، 5 مىڭ بوس جۇمىس ورنى ورنالاستىرىلدى. ناتيجەسىندە 4 مىڭ ادام جۇمىسقا تۇردى. «Jasalmaty.kz» ءموبيلدى قوسىمشاسىن App Store پلاتفورماسىنان جۇكتەۋگە بولادى. Google Play-دە ىسكە قوسىلۋ كۇتىلۋدە.

NEET-جاستاردى الەۋمەتتەندىرۋدىڭ ماڭىزدى جەتىستىكتەرىنىڭ ءبىرى – جاڭا  ينفراقۇرىلىم قۇرۋ. بۇل قالانىڭ ءار اۋدانىندا جاستارعا قولداۋ كورسەتۋگە باعىتتالعان كوميۋنيتي ورتالىقتار. مۇندا جاستاردى قولداۋ ءۇشىن قاجەتتىنىڭ ءبارى ءبىر جەردە جيناقتالعان: بۇل ءارتۇرلى مەملەكەتتىك باعدارلامالار بويىنشا كەڭەس بەرۋ، پسيحولوگيالىق جانە زاڭگەرلىك كومەك، NEET جاستارىن قىسقا مەرزىمدى كۋرستار ارقىلى وزەكتى ماماندىقتارعا وقىتۋ جانە جۇمىسقا ورنالاستىرۋ. 

كوميۋنيتي ورتالىقتار جاستاردى قىزىعۋشىلىقتارىنا قاراي بىرىكتىرە وتىرىپ، بويىنداعى كۇش جىگەرى مەن الەۋەتىن وزىنە، تيىسىنشە قوعامعا پايداسىن تيگىزۋگە باعىتتايدى. ايتا كەتەيىك، 2024 جىلى تاعى 4 كوميۋنيتي ورتالىق اشۋ جوسپارلانۋدا.

• كوميۋنيتي ورتالىقتاردىڭ رەزيدەنتتەرى ءۇشىن كولىككە، قوعامدىق تاماقتانۋعا، سپورتتىق جانە مادەني ينفراقۇرىلىمدى پايدالانۋعا، وقىتۋعا جانە ت. ب. جەڭىلدىكتەر بەرەتىن "Activity Boom" كلۋبتىق كارتوچكالىق جۇيەسى ەنگىزىلدى. 
• سونداي-اق، كوميۋنيتي ورتالىقتاردىڭ جۇمىسىن سيفرلاندىرۋ جۇمىستارى  "Jasalmaty.kz" اقپاراتتىق پورتالىندا جۇرگىزىلۋدە.
• بۇل يننوۆاسيالار جاستار مەن جاستار ۇيىمدارىنا اقپاراتتىق پورتال ارقىلى كوميۋنيتي ورتالىقتاردا ورىنداردى ونلاين برونداۋعا، سونداي-اق ءىس-شارالار كەستەسىن كورۋگە مۇمكىندىك بەرەدى.
• 

سونىمەن قاتار، پايدالانۋشىلار جاستار ۇيىمدارىنىڭ قىزمەتىن باعالاپ، ءوز پىكىرلەرىن قالدىرا الادى.

جوعارىدا كورسەتىلگەن الەۋمەتتەندىرۋ شارالارىنىڭ ارقاسىندا 2023 جىلى 47 مىڭعا جۋىق جاس (تۇراقتى – 40 مىڭ، ۋاقىتشا – 7 مىڭ) جۇمىسقا ورنالاستىرىلدى. اعىمداعى جىلدىڭ ءى توقسانىندا 9 مىڭنان استام جاس  جۇمىسقا ورنالاستىرىلدى (4،6 مىڭ – تۇراقتى جۇمىس ورنى، 4،4 مىڭ – ۋاقىتشا جۇمىس ورنى).

جاستار جۇمىسسىزدىعىنىڭ دەڭگەيى 2024 جىلدىڭ I توقسانىندا 5،2% - دان 4،6% - عا دەيىن تومەندەدى.

مانساپ كۇندەرىن وتكىزۋ كەستەسى