قازىرگى ۋاقىتتا وسىعان ۇقساس ءۇش ەپيزود تىركەلدى.
وسى قىلمىستى جاسادى دەگەن كۇدىكپەن ەكى ەر ادام قاماۋعا الىندى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«44 جاستاعى جامبىل وبلىسىنىڭ تۋماسى مەن ونىڭ 34 جاستاعى سىبايلاسى بۇرىن بىرنەشە رەت سوتتى بولعان. قالالىق كريمينالدىق پوليسيانىڭ جەدەل ۋاكىلدەرى پوليسيانىڭ ارنايى جاساقتارىنىڭ كومەگىمەن ارنايى ءىس-شارانى جۇرگىزدى. 44 جاستاعى س.ەسىمدى ازامات پەن 34 جاستاعى س.ەسىمدى ازامات ۇستالدى. ولار ءوز كىنالارىن مويىندادى. اۋەزوۆ اۋدانى اۋماعىنان ۇرلانعان كولىك جامبىل وبلىسىندا، تاعى ءبىر Mazda وسى ءوڭىردىڭ لۋگوۆوە اۋىلىنان تابىلدى. ال ءۇشىنشى كولىك ءبۇتىن كۇيىندە الماتى وبلىسىندا تاركىلەندى. كۇدىكتىلەر قاماۋعا الىندى»، – دەدى الماتى قالالىق پوليسيا دەپارتامەنتى باستىعىنىڭ ورىنباسارى ديدار احانوۆ.
اتالعان دەرەك بويىنشا قىلمىستىق ءىس تىركەلدى. ونىڭ ءمان-جايى ق ر قك-نىڭ 201-بابى جانە ق ر كونستيتۋسياسىنىڭ نورماسىنا سايكەس جاريا ەتۋگە جاتپايدى.