الماتىدا «Ten Qogam» مۇگەدەكتىگى بار ادامداردى الەۋمەتتىك قولداۋ ورتالىعىنىڭ تاعى ءبىر فيليالى اشىلدى

باستاما الماتى اكىمى ەربولات دوسايەۆتىڭ تاپسىرماسى بويىنشا ىسكە اسىرىلدى.

الماتىدا "Ten Qogam" مۇگەدەكتىگى بار ادامداردى الەۋمەتتىك قولداۋ ورتالىعىنىڭ تاعى ءبىر فيليالى اشىلدى، دەپ حابارلايدى Almaty-akshamy.kz

جاڭا فيليال الاتاۋ اۋدانىندا، تالدىارال، 13 مەكەنجايىن بويىنشا ەسىگىن ايقارا اشتى. باستاما الماتى اكىمى ەربولات دوسايەۆتىڭ تاپسىرماسى بويىنشا ىسكە اسىرىلدى. ءقازىر قالادا جەتى فيليال جۇمىس جاسايدى، ونىڭ 5ء-ى جىل باسىنان بەرى ەكى اي ىشىندە اشىلدى (قالعان 2ء-ى وتكەن جىلى جۇمىسىن باستادى): بوستاندىق، جەتىسۋ، اۋەزوۆ، مەدەۋ جانە الاتاۋ اۋداندارى. ناۋرىز ايىنىڭ سوڭىنا دەيىن "Ten Qogam" ورتالىقتارى قالانىڭ بارلىق اۋداندارىندا قول جەتىمدى بولۋ ءۇشىن ەندى تۇركسىب جانە المالى اۋداندارىندا فيليال اشۋ جوسپارلانۋدا.

ورتالىقتىڭ فيليالدارىندا مۇمكىندىگى شەكتەۋلى الماتىلىقتار ءتۇرلى ماسەلەلەر بويىنشا كەڭەس الا الادى، جۇمىسقا ورنالاسۋعا جاردەمدەسەدى، وقىتۋعا كومەك الادى، تاعىلىمدامادان وتۋگە جولداما الادى، پسيحولوگيالىق كومەك الادى جانە ت.ب. ءتىل ۇيرەنۋگە، وقىتۋ نەمەسە بىلىكتىلىك كۋرستارىنا جازىلا الادى. بۇگىندە "Ten Qogam" بارلىق فيليالدارىندا 3 600-گە جۋىق الماتىلىقتار ءتۇرلى قىزمەتتەر الدى.

ءتيىمدى جۇمىس ىستەۋ ءۇشىن ورتالىقتار قوعامدىق ۇيىمدارمەن شارت جاساسادى. ولاردىڭ قاتارىندا "Altyn time" مۇگەدەكتەر قوعامى" قب، "ءۇمىت" ساڭىراۋ مۇگەدەكتەردى قولداۋ ورتالىعى، "شىراق" مۇگەدەكتىگى بار ايەلدەر قاۋىمداستىعى" قب، "Inclusion.kz" مۇگەدەكتىگى بار ادامداردىڭ زاڭدى قۇقىقتارى مەن مۇددەلەرىن قورعاۋ ءۇشىن "كەدەرگىسىز KZ" مۇگەدەكتىگى بار ادامدار قوعامى" قب بار.