الماتىدا ءبىرىنشى سىنىپقا قۇجاتتاردى قابىلداۋ 1 ساۋىردە باستالدى. جالپى ءتورت ايدا قالا بويىنشا 25 009 ءوتىنىش ءتۇستى. ەگەر 2021-2022 وقۋ جىلىندا الماتى قالاسىندا ءبىرىنشى سىنىپقا 31 046 بالا تۇسسە، 2022-2023 وقۋ جىلىندا – 32 938 بالا. ءوتىنىم 1 تامىزعا دەيىن قابىلدانادى، دەپ حابارلايدى almaty-akshamy.kz
ايتا كەتەيىك، ءبىلىم بەرۋ ۇيىمدارى التى جاستاعى بالالاردى جانە وسى كۇنتىزبەلىك جىلى التى جاسقا تولاتىن بالالاردى ءبىرىنشى سىنىپقا قابىلدايدى.
ۇلگىلىك قاعيداعا سايكەس، 1-سىنىپقا قابىلداۋ بويىنشا مەملەكەتتىك قىزمەت كورسەتۋ ەلەكتروندىق فورماتتا «ەلەكتروندىق ۇكىمەتتىڭ» egov.kz ۆەب-پورتالى ارقىلى جۇزەگە اسىرىلادى.
دايارلىق دەڭگەيىنە قاراماستان، مەكتەپكە ماڭىندا (شاعىن ۋچاسكەدە) تۇراتىن بارلىق بالا قابىلدانادى. ءارى بالالاردى مەكتەپكە وزدەرىنىڭ شاعىن اۋماعى بويىنشا عانا ەمەس، بوس ورىندار بولعان جاعدايدا كەز كەلگەن باسقا مەملەكەتتىك مەكتەپكە دە تىركەۋگە بولادى.
ءبىرىنشى سىنىپقا قابىلداۋ ءۇشىن بالانىڭ اتا-اناسى نەمەسە زاڭدى وكىلى جەكە ءوتىنىش جازۋى كەرەك. سونىمەن قاتار، بالانىڭ تۋۋ تۋرالى كۋالىگىنىڭ كوشىرمەسىن، 026/ۋ-3 ۇلگىدەگى دەنساۋلىق جاعدايى تۋرالى قۇجاتتى، 065/ۋ ۇلگىدەگى دەنساۋلىق جاعدايى تۋرالى قۇجاتتى جانە 3ح4 ولشەمىندەگى ەكى فوتوسۋرەتتى وتكىزۋ قاجەت. قابىلداۋ جاسى – 6 جاستان باستاپ.
بالالاردى 1-سىنىپقا قابىلداۋدا بارلىق قوسىمشا سۇراق بويىنشا جەدەل جەلى تەلەفوندارى ارقىلى حابارلاسۋعا بولادى:
الاتاۋ اۋدانى: +77089705042
المالى اۋدانى: +77021000777؛ +77474129383
اۋەزوۆ اۋدانى: +77021000777؛ +77474129383
بوستاندىق اۋدانى: +7772806650؛ 87773001474
جەتىسۋ اۋدانى: +77026738333؛ +77016606554
مەدەۋ اۋدانى: +77017839483؛ +77759194000
ناۋرىزباي اۋدانى: +77782273301؛ +77021966805
تۇركسىب اۋدانى: +77778270580؛ +77016154978
ەستەرىڭىزگە سالا كەتەيىك، 2023 جىلدان باستاپ وقۋشىلار مەكتەپ اسحانالارىندا تەگىن تاماقپەن قامتاماسىز ەتىلگەن. بۇل تىزىمگە 1-4 سىنىپ وقۋشىلارى مەن الەۋمەتتىك وسال وتباسىدان شىققان 5-11 سىنىپ وقۋشىلار كىرەدى. بۇعان دەيىن مۇنداي جاعداي الەۋمەتتىك قورعالماعان وتباسىلاردان شىققان باستاۋىش سىنىپ وقۋشىلارىنا عانا جاسالعان بولاتىن.
الماتىدا وقۋشى ورىندارىنىڭ تاپشىلىعىن تومەندەتۋ ءۇشىن 2022 جىلى 16 193 ورىندىق 18 ءبىلىم بەرۋ نىسانى ىسكە قوسىلدى. 2023 جىلدان باستاپ «جايلى مەكتەپ» جوباسى بويىنشا رەسپۋبليكالىق بيۋدجەت ەسەبىنەن 37 مىڭ وقۋشىعا ارنالعان 22 مەكتەپ سالۋ جوسپارلانعان. بۇعان قوسا، جەرگىلىكتى بيۋدجەت ەسەبىنەن 2023 جىلى 5570 ورىندىق 11 نىساندى، ونىڭ ىشىندە 1500 ورىندىق 1 مەكتەپتى (قايرات ش/ا.)، 920 ورىندىق 4 قوسىمشا قۇرىلىس (№48، 148، 112، №9 مي)، 3150 ورىندىق 6 جەكەمەنشىك مەكتەپ اشۋ كوزدەلگەن. وسىلايشا، 2026 جىلعا قاراي وقۋشى ورىندارىنىڭ تاپشىلىعى جىل سايىنعى ءوسىمدى ەسكەرە وتىرىپ، قاجەتتى دەڭگەيگە دەيىن تومەندەيدى.