ءبىرىڭعاي وپەراتور كوتەرمە ساتۋشىلارعا اياق كيىم تاۋارلارىن تاڭبالاۋ ەرەجەلەرىن تۇسىنۋگە كومەكتەسەدى
الماتىدا قالا بازارلارىندا اياق كيىمدى كوتەرمە ساتۋمەن اينالىساتىن كاسىپكەرلەرمەن كەزدەسۋلەر ءوتتى.تاۋارلاردى تاڭبالاۋ مەن قاداعالاۋدىڭ اقپاراتتىق جۇيەسىندەگى كوتەرمە ساتۋشىلاردىڭ ءرولى - جۇيەدە يمپورتتاۋشىلاردان تاڭبالاۋ كودتارىن قابىلداۋ جانە ولاردى اياق كيىم تاۋارلارىن ساتۋ كەزىندە بولشەك ساتۋشىلارعا بەرۋ، دەپ حابارلايدى Almaty-akshamy.kz.
ءبىرىڭعاي وپەراتور 150-دەن استام كوتەرمە ساتۋشىلارمەن كەزدەسۋ وتكىزىپ، تاۋارلاردى تاڭبالاۋ مەن قاداعالاۋدىڭ اقپاراتتىق جۇيەسىندەگى جۇمىستىڭ بارلىق تەحنيكالىق جانە رەتتەۋشى بولشەكتەرىن ءتۇسىندىردى.
ەستەرىڭىزگە سالا كەتەيىك، تاۋارلاردى سيفرلىق تاڭبالاۋ مەن قاداعالاۋدىڭ باستى ماقساتى – قازاقستانداعى تاۋار اينالىمىن اشىق ەتۋ. اعىمداعى جىلدىڭ 1 ساۋىرىنەن باستاپ قازاقستاندا تاڭبالانباعان اياق كيىمدى ساتۋعا تىيىم سالىندى.