بيىل ەلىمىزدە وتان قورعاۋشى جانە جەڭىس كۇنى مەيرامىنا وراي اسكەري شەرۋ وتپەيتىن بولدى، دەپ حابارلايدى Almaty-akshamy.kz
بۇل تۋرالى قورعانىس مينيسترلىگىنىڭ باسپا ءسوز قىزمەتى حابارلادى.
«بيۋدجەت قاراجاتىن ۇنەمدەۋ ماقساتىندا جانە باسقا دا مىندەتتەردى شەشۋ قاجەتتىگىنە بايلانىستى بيىل ەلىمىزدە اسكەري شەرۋ وتپەيدى. جالپى العاندا قازىرگى ۋاقىتتاعى ماڭىزدى باسىمدىق - قازاقستان قارۋلى كۇشتەرى بولىمشەلەرىنىڭ جاۋىنگەرلىك ازىرلىگى مەن ۇتقىرلىعىن تالاپ ەتىلەتىن دەڭگەيدە ۇستاپ تۇرۋ»، - دەلىنگەن حابارلامادا.
سونداي-اق، رەسمي اقپاراتتا قورعانىس مينيسترلىگى اسكەري-پاتريوتتىق ءىس-شارالاردى جوسپارلاپ، وتكىزىپ جاتقانى ايتىلعان.
«اتالعان شارالار ەرەكشە كوزگە تۇسكەن اسكەري قىزمەتشىلەردى قۇرمەتتەۋ، سوعىستا قازا تاپقان قازاقستاندىق جاۋىنگەرلەردى ەسكە الۋ جانە ولاردىڭ ەرلىگىن بۇقارالىق اقپارات قۇرالدارىندا جاريالاۋ ماقساتىن كوزدەيدى»، - دەيدى ۆەدومستۆودان.
7 جانە 9 مامىر مەرەكەلەرىنە ارنالعان شارالار تۋرالى اقپارات جۋىردا مينيسترلىكتىڭ رەسمي سايتىندا جاريالانادى.