قالادا 212 پۋنكت جۇمىس ىستەپ تۇر.
الماتى قالاسىندا ءبىر تاۋلىكتە 7 208 ادام كوروناۆيرۋسقا قارسى ۆاكسينا سالدىردى، دەپ حابارلايدى Almaty-akshamy.kz.
الماتى قالالىق قوعامدىق دەنساۋلىق ساقتاۋ باسقارماسى مالىمەتى بويىنشا، قالادا 212 پۋنكت جۇمىس ىستەپ تۇر. 1 260 ادامنان تۇراتىن 308 ەگۋ بريگاداسى بار.
«15 شىلدە كۇنى 7208 الماتىلىق ۆاكسينا سالدىردى. بيىلعى جىلدىڭ 1 اقپانى مەن 14 شىلدەسى ارالىعىندا قالادا بارلىعى 635 340 ادام ۆاكسينا سالدىردى. ۆاكسينا العانداردىڭ جالپى سانىنان 60 جاستان اسقان قارت كىسىلەردىڭ ۇلەسى – 92 352»، - دەلىنگەن باسقارما حابارلاماسىندا.
سونىمەن قاتار، 40 كوشپەلى ءموبيلدى بريگادا ۇيىمداستىرىلعان. «ءقازىر مەديسينالىق ۇيىمداردا، مەكتەپتەردە، مادەنيەت، سپورت وبەكتىلەرىندە، بازارلار مەن قالانىڭ سوسو-دا ۆاكسيناسيا پۋنكتى جۇمىس ىستەيدى»، - دەپ ناقتىلادى دەنساۋلىق ساقتاۋ باسقارماسىنىڭ باسپا ءسوز قىزمەتى.