بۇل جولى قابىلداۋ ونلاين رەجيمدە وتەدى.
الماتى جولدارىندا ازاماتتاردى قابىلداۋ جالعاسۋدا، – دەپ حابارلايدى Almaty-akshamy.kz Polisia.kz-كە سىلتەمە جاساپ.
«جولداعى قابىلداۋ» پروفيلاكتيكالىق جانە زاڭدى ءتۇسىندىرۋ ناۋقانى بۇگىندە كوپشىلىككە تانىس. بۇل وتە وزەكتى، ويتكەنى حالىق جول قوزعالىسى قاۋىپسىزدىگى سالاسىندا كەڭەستەر مەن زاڭ كومەگىن ىڭعايلى جەردە جانە ۋاقىتتا الا الادى.
«2021 جىلى 16 جانە 17 شىلدەدە الماتى قالاسىنىڭ اۋماعىندا «جولداعى قابىلداۋ» رەسپۋبليكالىق ناۋقانىنىڭ كەلەسى كەزەڭىن وتكىزۋ جوسپارلانعان. بۇل جولى ول ونلاين-رەجيمىندە وتەدى. ادەتتە تۇرعىندارمەن ديالوگ جول قاۋىپسىزدىگى بويىنشا ازاماتتاردى مازالايتىن پروبلەمالىق سۇراقتاردى تالقىلاۋ تۇرىندە جۇزەگە اسىرىلادى. پوليسيا قىزمەتكەرلەرى ءىرى شاھار الماتىداعى جول قاۋىپسىزدىگى ماسەلەسىنىڭ وزەكتىلىگىن انىق تۇسىنەدى. سونداي-اق بايلانىس تەلەفوندارى بولاتىنىن اتاپ وتكىم كەلەدى، مۇندا ازاماتتار قوڭىراۋ شالىپ، پوليسيانىڭ قىزمەتىنە قاتىستى وزدەرىن قىزىقتىراتىن كەز-كەلگەن سۇراقتارىن قويا الادى نەمەسە WhatsApp-حابارلاماسىن بۇكىل ناۋقان كەزىندە مىنا تەلەفون ءنومىرى ارقىلى جىبەرە الادى: 8-776-777-78-98»، – دەپ حابارلادى الماتى قالاسى اكىمشىلىك پوليسيا باسقارماسىنىڭ باستىعى جاندوس مۇراتالييەۆ.
سونىمەن قاتار وسى كۇندەرى اكىمشىلىك پوليسيا، كوشى-قون جانە جەرگىلىكتى پوليسيا قىزمەتى باسشىلىعىنىڭ قاتىسۋىمەن تىكەلەي ەفيرلەر وتكىزۋ جوسپارلانۋدا.