دۇنيەجۇزىلىك دەنساۋلىق ساقتاۋ ۇيىمىنىڭ دەرەگىنشە، «دەلتا» شتاممى الەمنىڭ 74 ەلىندە انىقتالىپ وتىر.
"ەلوردادا كوروناۆيرۋستىڭ ءۇندى شتاممى انىقتالدى"، -دەدى بۇگىنگى ۇكىمەت وتىرىسىندا ق ر دەنساۋلىق ساقتاۋ ءمينيسترى الەكسەي سوي، دەپ حابارلايدى Almaty-akshamy.kz.
«نۇر-سۇلتان قالاسىندا كۆي-مەن اۋىرعان ناۋقاستان الىنعان وڭ زەرتحانالالىق ۇلگىگە پتر سكرينينگ جۇرگىزۋ ناتيجەسىندە «دەلتا» شتاممىنا نەمەسە ءۇندى شتاممىنا ءتان ىقتيمال مۋتاسيا انىقتالدى. كوروناۆيرۋستىڭ «دەلتا» شتاممى جوعارى جۇقتىرعىشقا يە جانە شتامم انىقتالعان ناۋقاستاردىڭ 60 پايىزىندا ول 7 كۇنگە دەيىنگى بارىنشا قىسقا ينكۋباسيالىق كەزەڭىمەن ەرەكشەلەنەدى. تاياۋدا جۇرگىزىلگەن زەرتتەۋلەر كوروناۆيرۋستىڭ ءۇندى شتاممى ەمحاناعا ءتۇسۋ جانە ءولىم-جىتىمنىڭ جوعارى بولۋىمەن بايلانىستى ەكەندىگىن كورسەتتى»، - دەدى مينيستر.
سونىمەن قاتار، ونىڭ ايتۋىنشا، بۇل مۋتاسيانى جۇقتىرعانداردا بۋىندار مەن ءىشتىڭ قاتتى اۋرۋى، ەستۋ قابىلەتىن جوعالتۋ سىندى قوسىمشا سيمپتومدار ءتان بولىپ وتىر.
«دۇنيەجۇزىلىك دەنساۋلىق ساقتاۋ ۇيىمىنىڭ دەرەگىنشە، SARS-CoV-2 «دەلتا» شتاممى الەمنىڭ 74 ەلىندە انىقتالىپ وتىر. ءۇندى شتاممىنا ءتان جۇقتىرعىشتىق، اۋرۋدىڭ اۋىر ءوتۋى سىندى مالىمەتتەردى ەسكەرە وتىرىپ، وڭىرلەر دارىلىك زاتتاردىڭ جەتكىلىكتى قورىن، وكپەنى جاساندى جەلدەتۋ اپپاراتىنا ارنالعان شىعىس ماتەريالدارىن، جەكە قورعانىش زاتتارىن، رەزەرۆتىك توسەك-ورىن قورىن قامتاماسىز ەتىپ، كۆي جۇقتىرعان ناۋقاستارعا مەديسينالىق كومەك كورسەتۋ ءۇشىن جەدەل جاردەم قىزمەتى مەن ۇتقىر بريگادالاردى دايىندىققا كەلتىرۋى قاجەت»، - دەدى الەكسەي سوي.