اۋا رايىنىڭ ناشارلاۋىنا بايلانىستى الماتىنىڭ ءتارتىپ ساقشىلارى جول قوزعالىسىنا قاتىسۋشىلاردى قاۋىپسىزدىك شارالارىن كۇشەيتۋگە شاقىرادى، دەپ حابارلايدى اlmaty-akshamy.kz قالالىق پوليسيا دەپارتامەنتىنىڭ باسپا ءسوز قىزمەتىنە سىلتەمە جاساپ.
"حالىقتى جول قوزعالىسى ەرەجەلەرىن مۇلتىكسىز ساقتاۋعا، كولىك جۇرگىزۋ مادەنيەتىن جانە مۇقياتتىلىقتى ارتتىرۋعا شاقىرامىز. بۇل ۇندەۋ ءقازىر وتە وزەكتى جانە قالا جولدارىندا قايعىلى وقيعالاردى بولدىرماۋعا سەپتىگىن تيگىزەدى"، - دەدى الماتى قالالىق پد جەرگىلىكتى پوليسيا قىزمەتى باسقارماسىنىڭ باستىعى، پوليسيا پولكوۆنيگى ەرجان ۇزابايەۆ.
الماتى پد جپقب كەزەكشى ءبولىمىنىڭ مالىمەتىنشە، وتكەن تاۋلىكتە قالادا 158 جكو تىركەلدى، 25 ادام جاراقات العان. قايتىس بولعاندار جوق.