ەكونوميكا ءمينيسترىنىڭ ايتۋىنشا، 2022 جىلى 15،4 ملن شارشى مەتر تۇرعىن ءۇي پايدالانۋعا بەرىلدى. ال بۇل 2021 جىلمەن سالىستىرعاندا 8،8%-عا تومەن، دەپ حابارلايدى Almaty-akshamy.kz.
"ءبىر جىل ىشىندە ورىندالعان قۇرىلىس جۇمىستارىنىڭ كولەمى 9،4%-عا ۇلعايدى. كورسەتكىشتىڭ وڭ ءوسۋى 18 ءوڭىر بويىنشا تىركەلدى. قۇرىلىس-مونتاجداۋ جۇمىستارىنىڭ ەڭ جوعارعى ءوسۋى اقمولا، الماتى، اتىراۋ وبلىستارىندا جانە شىمكەنت قالاسىندا بايقالدى. 2022 جىلى 15،4 ملن شارشى مەتر تۇرعىن ءۇي پايدالانۋعا بەرىلدى، بۇل 2021 جىلمەن سالىستىرعاندا 8،8%-عا كەم"، – دەدى مينيستر.
اسىرەسە، كورسەتكىشتىڭ تومەندەۋى الماتى جانە استانا قالالارىندا، سونداي-اق ۇلىتاۋ، ماڭعىستاۋ، سولتۇستىك قازاقستان جانە اتىراۋ وبلىستارىندا پايدالانۋعا بەرىلگەن تۇرعىن ءۇي سانىنىڭ ازايعاندىعى ەسەبىنەن بولىپ تۇر.
"باسقا 14 وڭىردە وڭ ءوسۋ تىركەلدى. ەڭ جوعارعى كورسەتكىشتەر پاۆلودار، شىعىس قازاقستان، جەتىسۋ وبلىستارىندا جانە شىمكەنت قالاسىندا بايقالدى"، – دەدى مينيستر.