قاي كەزدە دە جەر سىلكىنىسىنە دايىن بولۋىمىز كەرەك – قازاقستاندىق وقۋشى قىزدار ءومىردى قۇتقاراتىن قوسىمشا ويلاپ تاپتى، دەپ حابارلايدى aqshamnews.kz.
ستارتاپ اۆتورلارى نزم-دە حيميا-بيولوگيالىق باعىتىندا وقيتىن 17 جاسار ماريا ۋتاربايەۆا مەن داريعا نۇرقاش.
ولاردىڭ قولدانباسى Tecto دەپ اتالادى. قىزداردىڭ سوزىنە سەنسەك، قوسىمشا سەيسميكالىق بەلسەندىلىك تۋرالى 10 سەكۋندتان 3 مينۋت بۇرىن ەسكەرتەدى.
جاس ستارتاپتار ەرتەرەك ەسكەرتۋ ولاردىڭ ارتىقشىلىعى ەكەنىن ايتادى. ارينە، ولار قازاقستان رەسپۋبليكاسى توتەنشە جاعدايلار مينيسترلىگىنىڭ سەيسمولوگيالىق باقىلاۋ جانە زەرتتەۋلەر ۇلتتىق عىلىمي ورتالىعىمەن تىكەلەي قارىم-قاتىناس ورناتقان.
«ەگەر سەيسميكالىق بەلسەندىلىكتىڭ وشاعى قالادان 200 كم قاشىقتىقتا ورنالاسقان بولسا، قاتتى جەر استى دۇمپۋلەرىنەن 40 سەكۋند بۇرىن حابارلاندىرۋ كەلەدى»، - دەدى ماريا مەن داريعا.