الماتىدا بيولوگيالىق قاۋىپسىزدىك سالاسىنداعى جەتىستىكتەر ورتاعا سالىندى

بيولوگيالىق قاۋىپسىزدىك پروبلەمالارى عىلىمي زەرتتەۋ ينستيتۋتىنا - 65 جىل.

بۇگىندە ەلىمىزدىڭ ۆەتەريناريالىق ۆيرۋسولوگيا، يممۋنولوگيا، مولەكۋلالىق بيولوگيا جانە بيولوگيالىق قاۋىپسىزدىك سالاسىندا ىرگەلى زەرتتەۋلەر جۇرگىزىپ كەلە جاتقان ينستيتۋت ماماندارى 70-كە جۋىق  بيولوگيالىق پرەپارات ءوندىردى، دەپ حابارلايدى Almaty-akshamy.kz 24.kz-كە سىلتەمە جاساپ. 

ولاردىڭ ىشىندە ەڭ شوقتىعى بيىگى – پاندەميا كەزىندە شىعارىلعان وتاندىق QazVac ۆاكسيناسى. وسى عىلىمي تابىس ارقىلى قازاقستان ءوزىنىڭ ۆاكسيناسىن ازىرلەگەن الەمدەگى بەسىنشى مەملەكەت رەتىندە تانىلدى.

بۇدان بولەك، ينستيتۋت عالىمدارى ماڭعىستاۋ وبلىسىندا انىقتالعان «تۇيە شەشەگىنە» قارسى ەكپە جاساپ شىعارىپ، سونىڭ ارقاسىندا اۋرۋ وشاعى تۇبىرىمەن جويىلعان بولاتىن. بۇگىن الماتىدا ىرگەلى ينستيتۋتتىڭ 65 جىلدىعىنا وراي الەمنىڭ 9 ەلىنەن 200-دەن اسا زەرتتەۋشى عالىم باس قوسىپ، بيولوگيالىق قاۋىپسىزدىك سالاسىنداعى جاڭا عىلىمي جەتىستىكتەردى ورتاعا سالدى.

«قازىرگى كەزدە ۆەتەريناريا سالاسىندا كوپتەگەن اسا قاتتى جۇقپالى اۋرۋلار بار. سول اۋرۋلاردىڭ الدىن الۋ ماقساتىندا مونيتورينگتىك زەرتتەۋلەر جۇرگىزەدى. سول اۋرۋلاردىڭ قالاي دامىپ جاتقانىنا، تارالىپ جاتقانىنا بولجام جاسايدى. مىسالى، قويدىڭ قاتارلى قىزباسى دەگەن اۋرۋ بار. ول دا وتە ءقاۋىپتى اۋرۋلاردىڭ قاتارىنا جاتادى. اۋسىل. مىنە، سول باعىتتا جاڭا جۇمىستار، جاڭا زەرتتەۋلەر باستاپ جاتىرمىز»، - دەيدى «بيولوگيالىق قاۋىپسىزدىك پروبلەمالارى» عزي زەرتحانا مەڭگەرۋشىسى قۋاندىق جۇگىنىسوۆ.