2000-نان استام وقۋشى توعىزقۇمالاق ويىنى بويىنشا گيننەس رەكوردىن ورناتادى
بيىلعى جىلدىڭ 9 قىركۇيەگىندە توعىزقۇمالاق كۇنىنە وراي الماتى قالاسىندا توعىزقۇمالاقتان سايىس وتەدى. وعان 2000-نان استام جوعارى سىنىپ وقۋشىلارى قاتىسادى. ولاردىڭ ماقساتى — قازاقستاننىڭ گيننەس رەكوردتار كىتابىنا ەنۋ.
توعىزقۇمالاق – قازاقتىڭ ۇلتتىق ءداستۇرلى ويىندارىنىڭ ءبىرى. سونداي-اق 2020 جىلى توعىزقۇمالاق يۋنەسكو شەشىمىمەن ادامزاتتىڭ مادەني مۇرالارى تىزىمىنە ەنگىزىلگەن.
ايتا كەتەيىك، اتالمىش شارا قازاقستان رەسپۋبليكاسىنىڭ تۇڭعىش پرەزيدەنتى اتىنداعى ساياباقتا ساعات 10:00-دە وتەدى.
سونىمەن قاتار 2023 جىلدىڭ 21-24 قىركۇيەگى ارالىعىندا الماتى قالاسىنداعى ADD ۇستەل تەننيسى ورتالىعىندا راپيد جانە بليس بويىنشا وقۋشىلار اراسىندا (U-15، U-17) توعىزقۇمالاقتان الەم چەمپيوناتى ۇيىمداستىرىلادى. تۋرنيرگە الەمنىڭ 20 ەلىنەن 150-دەن استام ويىنشى قاتىسادى.