اعىمداعى جىلدىڭ 6 قازانىندا الماتى قالاسىنىڭ ءبىلىم باسقارماسى قالا پروكۋراتۋراسىمەن جانە «JANYM» قوعامدىق بىرلەستىگىمەن ي.ەسەنبەرلين اتىنداعى № 25 گيمنازياسىنىڭ وقۋشىلارمەن سەمينار-ترەنينگ وتكىزدى.
الماتى قالاسى ءبىلىم باسقارماسىنىڭ قالا پروكۋراتۋراسىمەن جانە «JANYM» قب بىرلەسكەن جۇمىسىنىڭ نەگىزگى مىندەتى فيزيكالىق، جىنىستىق، ەموسيونالدىق، زورلىق-زومبىلىقتان زارداپ شەككەن، قاۋىپ-قاتەرگە تاپ بولعان جاسوسپىرىمدەرگە كومەك كورسەتۋگە باعىتتالعان، دەپ حابارلايدى Almaty-akshamy.kz.
ينتەرنەتتە (كيبەربۋللينگ) قاۋىپ-قاتەرگە تاپ بولعان، جاقىن ادامىنان ايىرىلعان، باستان كەشىرگەن جاعىمسىز اسەرلەرگە ۇشىراعان جاسوسپىرىمدەرگە جانە ولاردىڭ جاقىندارىنا قولداۋ كورسەتۋگە باعىتتالعان.
جۇمىس پرينسيپتەرى: ەكولوگيالىق تازالىق، انونيمدىك، قۇپيالىلىق، قولجەتىمدىلىك. «JANYM» قب جۇمىسى ونلاين-پلاتفورمالاردا ۇيىمداستىرىلعان، سونىمەن قاتار Instagram، Tik-Tok، Facebook سياقتى الەۋمەتتىك جەلىلەردە اعارتۋشىلىق جانە پروفيلاكتيكالىق جۇمىستار بەلسەندى جۇرگىزىلۋدە.
"JANYM" قب باسشىسى كليۋجينا ناتاليا ميحايلوۆنا جانە ءبىلىم باسقارماسىنىڭ پسيحولوگيالىق سۇيەمەلدەۋ ءبولىمىنىڭ جەتەكشىسى كوكانوۆا ۆەنەرا سەمبەكوۆنا وقۋشىلارمەن سەمينار-ترەنينگ وتكىزدى.
سەمينار بارىسىندا بالالار تاراپىنان اشىق سۇراقتار قويىلدى، قورقىنىشپەن كۇرەسۋگە جانە كامەلەتكە تولماعاندار اراسىنداعى دەسترۋكتيۆتى مىنەز-قۇلىقتىڭ الدىن الۋمەن ۆولونتەرلىك قىزمەتكە نيەت بىلدىرۋشىلەر بولدى.
ومىرىندە قيىن جاعدايعا تاپ بولعان كەز كەلگەن ءجاسوسپىرىم جانە ولاردىڭ اتا-انالارى بالا مەن اتا-انالار اراسىنداعى قارىم-قاتىناس تۋرالى سۇراقتارعا جاۋاپ الا الادى.
جاسوسپىرىمدەر ءۇشىن سەيسەنبى كۇندەرى Instagram جەلىسىندە «جاسوسپىرىمدەر قوناقجايى»، «ءبىز ماڭىزدى نارسەلەر تۋرالى ايتامىز» جوبالارى اياسىندا «JANYM» قب ماماندارىمەن جانە ءبىلىم باسقارماسى جانىنداعى قالالىق ءبىلىم بەرۋدەگى جاڭا تەحنولوگيالاردىڭ عىلىمي-ادىستەمەلىك ورتالىعىنىڭ پسيحولوگتارىمەن ونلاين كەزدەسۋلەر وتكىزىلەدى، جاسوسپىرىمدەرگە ارنالعان مارافوندار اي سايىن قازاق جانە ورىس تىلدەرىندە ۇيىمداستىرىلادى.
اتا-انالار ءۇشىن بەيسەنبى كۇندەرى كامەلەتكە تولماعان بالالارمەن قارىم-قاتىناس ماسەلەلەرى بويىنشا تىكەلەي ەفيردە «اتا-انالار قوناقجايى» ونلاين جوباسى جۇزەگە اسىرىلۋدا.
ماقساتى - داعدارىس جاعدايىنداعى جاسوسپىرىمدەر مەن ولاردىڭ اتا-انالارىنا پسيحولوگيالىق قولداۋ كورسەتۋ. كومەكتىڭ بۇل ءتۇرى جاسوسپىرىمدەردە سۋيسيدتىك، ديەۆيانتتى، اۋتودەسترۋكتيۆتى مىنەز-قۇلىقتىڭ الدىن الۋ بولىپ تابىلادى.
ونلاين كومەكتى ومىرىندە قيىن جاعدايعا تاپ بولعان كەز كەلگەن ءجاسوسپىرىم جانە ولاردىڭ اتا-انالارى الا الادى.
پسيحولوگتار ءۇشىن جۇما كۇندەرى تىكەلەي ەفيردە "پسيحولوگپەن سۇحبات" وفلاين جوباسى جۇزەگە اسىرىلۋدا.
