الماتىدا 2025 جىلعى 18 مامىردا BI Run قايىرىمدىلىق جارىسى وتەدى، دەپ حابارلايدى Aqshamnews.kz الماتى قالاسىنىڭ سپورت باسقارماسىنا سىلتەمە جاساپ.
ءىس-شارانىڭ وتكىزىلۋىنە بايلانىستى 18 مامىردا ساعات 07:00-دەن 12:00-گە دەيىن جارىس وتكىزىلەتىن اۋداندا كولىك قوزعالىسىنا ۋاقىتشا شەكتەۋلەر قويىلاتىن بولادى.
باۋىرجان مومىش ۇلى كوشەسىنىڭ (وڭتۇستىك باعىتتا) موڭكە كوشەسىنەن (بيگۆيلل Arena City تك) Almaty Arena-عا دەيىنگى ۋچاسكەدە ءبىر اۆتوبۋس جولاعى جانە جەڭىل اۆتوموبيلدەرگە ارنالعان ءبىر جولاق جابىلادى. وسى باعىتتاعى قالعان جولاق شتاتتىق رەجيمدە جۇمىس ىستەيتىن بولادى.
سونداي-اق Almaty Arena اۋماعىنداعى اينالما كوشە تولىعىمەن جابىلادى. بۇل ۋچاسكەدە 5 جانە 10 كم قاشىقتىقتا ءقاۋىپسىز جۇگىرۋ مارشرۋتى ۇيىمداستىرىلادى (مارشرۋت كارتاسىن قاراڭىز).
قاشىقتىقتاعى قاۋىپسىزدىكتى جول پوليسياسىنىڭ قىزمەتكەرلەرى مەن ەرىكتىلەر قامتاماسىز ەتەدى.
تۇرعىندار مەن اۆتوكولىك يەلەرىنەن ۋاقىت شەكتەۋلەرىن ەسكەرە وتىرىپ، مارشرۋتتى الدىن الا جوسپارلاۋدى سۇرايمىز.