قازاقستان ازاماتتارى ق ر كونستيتۋسياسىنا وزگەرىستەر مەن تولىقتىرۋلار ەنگىزۋ جونىندەگى رەفەرەندۋمعا شەتەلدەن دە قاتىسا الادى. بۇل تۋرالى ق ر سىرتقى ىستەر مينيسترلىگىنىڭ باسپا ءسوز قىزمەتى ءمالىم ەتتى، دەپ حابارلايدى Almaty-akshamy.kz Inform.kz-كە سىلتەمە جاساپ.
«ق ر پرەزيدەنتىنىڭ بيىلڭى 5 مامىرداعى №888 جارلىعىنا سايكەس 5 ماۋسىمدا قازاقستان رەسپۋبليكاسىنىڭ كونستيتۋسياسىنا وزگەرىستەر مەن تولىقتىرۋلار ەنگىزۋ بويىنشا جالپىۇلتتىق رەفەرەندۋم وتەدى. قازاقستاننىڭ شەتەلدەگى مەكەمەلەرىنىڭ جانىنان 52 شەت مەملەكەتتە 65 ۋچاسكەلىك كوميسسيا قۇرىلدى»،-دەلىنگەن حابارلامادا.
داۋىس بەرۋگە قاتىسۋ ءۇشىن بەلسەندى سايلاۋ قۇقىعى بار، ءتيىستى شەت مەملەكەتتە تۇراتىن نەمەسە جەكە، قىزمەتتىك، ىسكەرلىك جانە تۋريستىك ماقساتپەن جۇرگەن جانە ق ر ازاماتىنىڭ جارامدى پاسپورتى بار قازاقستان رەسپۋبليكاسىنىڭ ازاماتتارى ۋچاسكەلىك كوميسسيا قۇرىلعان قازاقستاننىڭ ديپلوماتيالىق وكىلدىگىنە جۇگىنە الادى.
ق ر شەتەلدەگى مەكەمەلەرىندە داۋىس بەرۋ «قازاقستان رەسپۋبليكاسىنداعى سايلاۋ تۋرالى» ق ر كونستيتۋسيالىق زاڭىنىڭ 38ء-شى بابىنىڭ 1ء-شى تارماعىنا سايكەس رەفەرەندۋم وتكىزىلەتىن كۇنى (2022 جىلعى 5 ماۋسىم) جەرگىلىكتى ۋاقىت بويىنشا ساعات 07:00-دەن 20:00-گە دەيىن وتكىزىلەتىن بولادى.
«سونىمەن بىرگە، شەتەلدەگى سايلاۋ پروسەسىن ۋاقتىلى جانە تولىقتاي دايىنداۋ ماقساتىندا قازاقستان رەسپۋبليكاسىنىڭ ازاماتتارىن جاقىن ماڭداعى سايلاۋ ۋچاسكەسىنە الدىن-الا حابارلاسىپ، سايلاۋشىلار تىزىمىنە ەنگىزۋ ءۇشىن مالىمەت بەرۋلەرىن سۇرايمىز»،-دەپ حابارلادى ق ر ءسىم.