وسى ماقساتتارعا قوسىمشا 5،3 ملرد تەڭگە ءبولۋ ۇسىنىلادى.
الماتىدا باستاۋىش سىنىپ وقۋشىلارىنا تەگىن تاماق بەرىلەدى. بۇل تۋرالى مەملەكەت باسشىسىنىڭ الماتىنى قالپىنا كەلتىرۋ جانە ودان ءارى دامىتۋ جونىندەگى تاپسىرماسىن ورىنداۋ ماقساتىندا 2022 جىلعا ارنالعان جەرگىلىكتى بيۋدجەتتى ناقتىلاۋ بويىنشا قالا ءماسليحاتىنىڭ XVI سەسسياسى بارىسىندا قالا اكىمى ەربولات دوسايەۆ مالىمدەدى، دەپ حابارلايدى Almaty-akshamy.kz.
«2022 جىلدىڭ 1 قىركۇيەگىنەن باستاپ الماتى مەملەكەتتىك مەكتەپتەرىنىڭ بارلىق باستاۋىش سىنىپ وقۋشىلارى (1-4 سىنىپتار)، الەۋمەتتىك مارتەبەسىنە قاراماستان، تەگىن ىستىق تاماقپەن قامتىلادى. وسى ماقساتتارعا جەرگىلىكتى بيۋدجەتتەن 2022 جىلدىڭ سوڭىنا دەيىن (4 اي) قوسىمشا 5،3 ملرد تەڭگە ءبولۋ ۇسىنىلادى»، - دەدى ەربولات دوسايەۆ.
سونىمەن قاتار اكىمنىڭ ايتۋىنشا، بالالاردىڭ سپورت سەكسيالارىنا قولجەتىمدىلىگى ءۇشىن سپورت ۇيىرمەلەرىن قارجىلاندىرۋ 1،5 ملرد تەڭگەدەن 3،2 ملرد تەڭگەگە دەيىن ەداۋىر ۇلعايادى.