1،5 ملن تەڭگەگە دەيىن كوبەيتۋ ۇسىنىلدى.
الماتىدا «نۇرلى جەر» باعدارلاماسى اياسىندا تۇرعىن ءۇي سالىنادى.بۇل تۋرالى مەملەكەت باسشىسىنىڭ الماتىنى قالپىنا كەلتىرۋ جانە ودان ءارى دامىتۋ جونىندەگى تاپسىرماسىن ورىنداۋ ماقساتىندا 2022 جىلعا ارنالعان جەرگىلىكتى بيۋدجەتتى ناقتىلاۋ بويىنشا قالا ءماسليحاتىنىڭ XVI سەسسياسى بارىسىندا قالا اكىمى ەربولات دوسايەۆ مالىمدەدى، دەپ حابارلايدى Almaty-akshamy.kz Almaty.tv سىلتەمە جاساپ.
ونىڭ ايتۋىنشا، بۇگىنگى كۇنى الماتىلىقتاردىڭ جەكەلەگەن الەۋمەتتىك توپتارىن تۇرعىن ۇيمەن قامتاماسىز ەتۋ ماسەلەسىن شەشۋ ماڭىزدى.
«سەسسيا بارىسىندا قالا اكىمى نەسيەگە تۇرعىن ءۇي الۋ مۇمكىندىگىن جاقسارتۋ ماقساتىندا يپوتەكانىڭ باستاپقى جارناسىنىڭ ءبىر بولىگىن جابۋ ءۇشىن ءبىر تۇرعىن ءۇي سەرتيفيكاتىنىڭ قۇنىن 1 ملن تەڭگەدەن 1،5 ملن تەڭگەگە دەيىن كوبەيتۋدى ۇسىندى»، - دەدى ەربولات دوسايەۆ.
بۇل ساناتقا ءى جانە ءىى توپتاعى مۇگەدەكتەر، مۇگەدەك بالالارى بار وتباسىلار، جەتىم جانە اتا-اناسىنىڭ قامقورلىعىنسىز قالعان بالالار كىرەدى.
«بيۋدجەتتى ناقتىلاۋ كەزىندە «نۇرلى جەر» باعدارلاماسى اياسىندا تاعى 411 وتباسىنا ارنالعان «جاس قانات» 6 كوپ پاتەرلى تۇرعىن ءۇي كەشەنىنىڭ قۇرىلىسىنا 4،5 ملرد تەڭگە ءبولۋ قاراستىرىلدى»، - دەدى ول.
سونىمەن قاتار ول بيۋدجەتتى ناقتىلاۋ الماتى قالاسىنىڭ تۇرعىندارىمەن جانە كاسىپكەرلەرىمەن العاشقى كەزدەسۋ وتكىزگەننەن كەيىنگى جۇمىس ناتيجەسى نەگىزىندە دايىندالعانىن تىلگە تيەك ەتتى.
