«باستاۋ» ون جىل بويى ءۇزىلىسسىز جۇمىس ىستەپ كەلەدى.
الماتىدا «باستاۋ» X حالىقارالىق ستۋدەنتتىك جانە دەبيۋتتىك فيلمدەر كينوفەستيۆالى وتەدى. ۇستىمىزدەگى جىلى اتاليىش فەستيۆال 29 قاراشاسى مەن 3 جەلتوقسان ارالىعىندا وتەدى، حابارلايدى Almaty-akshamy.kz.
فەستيۆالدى Tanaris Production كينوكومپانياسى الماتى قالاسى اكىمدىگىنىڭ قولداۋىمەن ۇيىمداستىرادى. فەستيۆالگە ق ر مادەنيەت جانە سپورت مينيسترلىگى، ت. جۇرگەنوۆ اتىنداعى قازاق ۇلتتىق ونەر اكادەمياسى، «تۇران» ۋنيۆەرسيتەتىنىڭ Turan Film Academy جوعارى مەكتەبى جانە ءال-فارابي اتىنداعى قازاق ۇلتتىق ۋنيۆەرسيتەتى قولداۋ كورسەتپەك.
جوبا الەم ەلدەرىنىڭ جاس كينەماتوگرافيستەرى اراسىنداعى ىنتىماقتاستىقتى نىعايتۋ، ولاردىڭ جۇمىسىن قولداۋ جانە ىلگەرىلەتۋ ماقساتىندا جىل سايىن ۇيىمداستىرىلادى.
فەستيۆال پرەزيدەنتى سەرگەي ءازىموۆ اتاپ وتكەندەي – «باستاۋ» جاس رەجيسسەرلەر مەن سەناريستەرگە ءوز جوبالارىن جۇزەگە اسىرۋ ءۇشىن بىرەگەي الاڭ ۇسىنادى. «باستاۋ» ون جىل بويى ءۇزىلىسسىز جۇمىس ىستەپ كەلەدى جانە فەستيۆالدىڭ كاسىبي جانە تاتۋ كومانداسىنىڭ ارقاسىندا بارلىق قيىندىقتاردان ءساتتى وتۋدە.
«سوندىقتان ءبىز ءۇشىن باستى يدەيا، نەگىزگى تۇجىرىمداما مىنانداي بولدى: ءبىز ءبارىمىز - ۇيىمداستىرۋشىلار، باسشىلار - ەڭ جوعارى كاسىبي ماعىناداعى قىزمەت كورسەتۋشى پەرسونال بولۋىمىز كەرەك. ءبىز وسى وقيعانىڭ باستى كەيىپكەرلەرى – اۆتورلار، رەجيسسەرلەر، وپەراتورلار، دراماتۋرگتەر، جاس اكتەرلەر اينالاسىندا قۇرىلعان ينفراقۇرىلىمدى جاسايمىز. مۇنىڭ ءبارى ولار ءۇشىن. ءبىز ولارعا وسىنى سەزىندىرۋىمىز كەرەك»، دەيدى ول.
بيىلعى جىلى فەستيۆال رەجيسسەر يانا سكوپينانىڭ «سكورو كونچيتسيا لەتو» اتتى ءفيلمىنىڭ پرەمەراسىمەن اشىلادى.
فەستيۆالدىڭ اشىلۋى 29 قاراشادا اباي اتىنداعى قازاق ۇلتتىق وپەرا جانە بالەت تەاترىندا وتەدى.