كيىم-كەشەكتىڭ باعاسى قىمباتتادى

تمد ەلدەرىنەن 16،9 مىڭ توننا كيىم اكەلىنگەن.

قازان ايىنىڭ قورىتىندىسى بويىنشا ەلىمىزدە كيىمنىڭ باعاسى جىل ىشىندە 14،6%-عا كوتەرىلگەن، دەپ حابارلايدى Almaty-akshamy.kz ەnergyprom.kz-كە سىلتەمە جاساپ.

كيىم ەڭ قاتتى قىمباتتاعان ءوڭىر استانا قالاسى، مۇنداعى جىلدىق ءوسىم 25% بولعان. باعا قىزىلوردادا 19،8%، اقمولا وبلىسىندا 19% وسكەن. ەڭ از ءوستى دەگەن اقتوبە وبلىسىنىڭ وزىندە 9،7%-عا كوتەرىلگەن. سونىڭ ىشىندە ەر ادامداردىڭ كيىمى جىل ىشىندە 14%-عا، ايەلدەردىكى 14،1%، بالالار كيىمى 17،2% قىمباتتادى.

بيىلعى قاڭتار-قىركۇيەكتە ەلىمىزدە كيىم ءوندىرىسى جىل بۇرىنعى كورسەتكىشكە قاراعاندا اقشالاي ماندە 12،7%-عا ارتىپ، 43،1 ملرد تەڭگەنى قۇرادى. ءونىمنىڭ باسىم بولىگى شىمكەنتكە تيەسىلى، جىلدىق ءوسىم 44%، اقشالاي 7،4 ملرد تەڭگە. ەكىنشى ورىندا الماتى - 6،9 ملرد تەڭگە، 15،2%-عا ارتقان. الماتى وبلىسىندا كيىم ءوندىرىسىنىڭ كولەمى كەرىسىنشە 48،6%-عا قىسقارىپتى، اقشالاي ماندە 4،2 ملرد تەڭگەنى قۇرادى.

جىلدىڭ العاشقى سەگىز ايىندا توقىما جانە كەزدەمەدەن تىگىلگەن كيىمدەر يمپورتى 71 مىڭ توننا بولىپ، 888،9 ملن دوللاردى قۇرادى.  تمد ەلدەرىنەن 16،9 مىڭ توننا كيىم اكەلىنگەن، جىل بۇرىنعى ماننەن 2،9%-عا از. ۇيىم اياسىندا ەلىمىزگە كيىم جەتكىزەتىن نەگىزگى ەل – وزبەكستان - 10،2 مىڭ توننا، كورسەتكىش 5،4%-عا ازايىپتى.

تمد-عا كىرمەيتىن ەلدەردەن 54،1 مىڭ توننا كيىم اكەلىنگەن، وتكەن جىلمەن سالىستىرعاندا 17،8%-عا ۇلعايعان. نەگىزگى يمپورتەرلەر جۇڭگو (39،3 مىڭ) مەن تۇركيا (12 مىڭ).