ق ر وقۋ-اعارتۋ ءمينيسترى اسحات ايماعامبەتوۆ الماتى اكىمدىگىنە العىس ءبىلدىردى.
بۇل تۋرالى ق ر وقۋ-اعارتۋ ءمينيسترى اسحات ايماعامبەتوۆ «ءبىلىم مەگاپوليسى: بولاشاقتىڭ مەكتەبى قانداي بولۋى كەرەك؟» اتتى تامىز كونفەرەنسياسىندا ايتتى دەپ حابارلايدى Almaty.tv.
بۇگىن الماتىدا «ءبىلىم مەگاپوليسى: بولاشاقتىڭ مەكتەبى قانداي بولۋى كەرەك؟» اتتى تامىز كونفەرەنسياسى ءوز جۇمىسىن باستادى.
«الماتىدا باستالعان پيلوتتىق جوبالاردى باسقا وڭىرلەرگە تاراتۋ جۇمىستارىن جۇرگىزەمىز. ءبىز ءۇشىن قىزىق پيلوتتىق جوبا - مەكتەپتەردىڭ اۆتوبۋستارى بويىنشا. ۇلكەن قالالارعا، ەلوردامىزعا دا، حالىق كوپ شوعىرلانعان ەلدى مەكەندەرگە وتە ماڭىزدى جاقسى جوبا بولادى دەپ سانايمىن. ەكىنشىدەن، مەكتەپتەگى بالالاردىڭ تاماقتانۋى ولاردىڭ دەنساۋلىعىنا، ۇلگەرىمىنە دە ۇلكەن سەپتىگىن تيگىزەدى. الماتى قالاسىندا بالالاردىڭ مەكتەپتە تاماقتاۋى بويىنشا جاڭا پيلوتتىق جوبا باستالىپ جاتىر. وسى پيلوتتىڭ ناتيجەسىن كورەمىز. مەملەكەت باسشىسى بالالار جىلىنا بايلانىستى اكىمدەرگە بىرنەشە تاپسىرما بەردى. الماتى قالاسىندا وتە ماڭىزدى شەشىم قابىلداندى. ول – 1-4 سىنىپ وقۋشىلارىن تولىعىمەن ىستىق تاماقپەن قامتۋ. وقۋ مينيسترلىگى اتىنان ەربولات اسقاربەكۇلىنا العىسىمدى بىلدىرگىم كەلەدى»، – دەدى مينيستر.