كەلەر جىلدىڭ 1 قاڭتارىنان زەينەتاقىنىڭ ەڭ تومەنگى مولشەرi 48 032 تەڭگەدەن 53 076 تەڭگەگە دەيىن كوتەرىلۋى مۇمكىن.
بۇل تۋرالى «اشىق» نقا سايتىندا تالقىلاۋعا شىعارىلعان قارجى مينيسترلىگىنىڭ «2023-2025 جىلدارعا ارنالعان رەسپۋبليكالىق بيۋدجەت» جوباسىندا كورسەتىلگەن، دەپ حابارلايدى Almaty-akshamy.kz قازاقپاراتقا سىلتەمە جاساپ.
«2023 جىلعى 1 قاڭتاردان باستاپ، جالاقىنىڭ ەڭ تومەن مولشەرi 60 000، مەملەكەتتىك بازالىق زەينەتاقى تولەمىنىڭ ەڭ تومەن مولشەرى 21 907، ال زەينەتاقىنىڭ ەڭ تومەن مولشەرi 53 076 تەڭگە بولىپ بەكىتىلسىن. سونىمەن قاتار جاسىنا بايلانىستى جانە ەڭبەك سىڭىرگەن جىلدارى ءۇشىن زەينەتاقى تولەمدەرىنە جۇمسالاتىن قاراجات 2023 جىلعى 1 قاڭتاردان باستاپ 10،5 پايىزعا كوتەرىلە وتىرىپ بەلگىلەنسىن»، - دەپ جازىلعان قۇجاتتا.
بۇدان بولەك، كەلەسى جىلدىڭ قاڭتارىنان اەك مولشەرى وسەدى. بيىل ول 3 180 بولسا، 2023 جىلى 3 450 تەڭگە بولماق. بيۋدجەت جوسپارىنا سايكەس، ەڭ تومەنگى كۇنكورىس دەڭگەيى 40 567 تەڭگە بولىپ بەكىتىلمەك.