كەشە الماتىدا كەشكى ساعات التى شاماسىندا اۆتوبۋس جولدان شىعىپ كەتىپ، تۇرعىن ۇيگە سوعىلدى.
قالالىق پوليسيا دەپارتامەنتى انىقتاۋ باسقارماسىنىڭ باستىعى ولجاس ءشارىپوۆتىڭ ايتۋىنشا، قوعامدىق كولىك جۇرگىزۋشىسى رۋلگە يە بولا الماي قالعان. جول اپاتىنان جۇرگىزۋشى مەن التى جولاۋشى زارداپ شەكتى، دەپ حابارلايدى Almaty-akshamy.kz 24.kz-كە سىلتەمە جاساپ.
قازىرگى ۋاقىتتا وسى جول كولىك وقيعاسىنا قاتىستى باسقا دا دەرەكتەر انىقتالىپ جاتىر.
«اتالعان دەرەك بويىنشا، ق ر قك-نىڭ 345-بابى 2-بولىگىمەن كوزدەلگەن قىلمىس بابىنا سايكەس، سوتقا دەيىنگى تەرگەۋ باستالدى. قىلمىستىق ءىس بويىنشا ءوندىرىستى الماتى قالاسى پد انىقتاۋ باسقارماسى جۇرگىزەتىن بولادى»، - دەيدى قالالىق پد رەسمي وكىلى سالتانات ازىربەك.