الماتداعى مەدەۋ اۋدانى تۇرعىنىنىڭ سۇراعى: ءبىزدىڭ ءۇيىمىزدىڭ قابانباي باتىر تاراپىنان ىرگەتاسى بۇزىلدى، كىرەبەرىس توبى جاسالدى، ال بۇرىشتان قابىرعا قيراپ، كافە عيماراتىنا جالعىز اپاتتى كىرەبەرىس بار.
ءوتىنىش-ۇيدىڭ ىرگەتاسىن، قابىرعالارىن قالپىنا كەلتىرۋ. جوبا بويىنشا ءۇيىمىز 9 باللعا شىداۋى ءتيىس. ءبىراق جەر سىلكىنىسى بولعان جاعدايدا 350 ادامعا توسقاۋىل قويىلادى. جالعىز كىرەبەرىستى اشىپ قانا قويماي، كىرۋ توبىن الىپ تاستاۋ كەرەك، ال وسى جىلدىڭ مامىر ايىندا پيروگ نەمەسە دونەر پىسىرەتىڭن ورىندى ءسۇرۋ قاجەت.
الماتىنىڭ قالا قۇرىلىسىن باقىلاۋ باسقارماسىنىڭ باسشىسى باقىتجان ناۋرىزبەكوۆتىڭ جاۋابى: وسى نىسان بويىنشا تولىق تەكسەرۋ جۇرگىزىلدى، قابانباي باتىرداعى ءۇي جانە جازعى كافە بويىنشا شارالار قابىلداندى، ماتەريالدار سوتقا جولداندى.
الماتى اكىمى ەربولات دوسايەۆتىڭ جاۋابى: ءبىز ءۇيدىڭ ىرگەتاسى مەن قابىرعالارىن قالپىنا كەلتىرۋ بويىنشا مىندەتتەمەلەردى ورىنداۋعا بايلانىستى بارلىق ماسەلەلەردى شەشەتىن بولامىز. وكىنىشكە وراي، مەنشىك يەسىمەن بەيبىت جولمەن كەلىسۋ مۇمكىن بولمادى، ققبب سوتقا بەردى جانە ءبىز بۇل ماسەلەنى اتقارۋ پاراعىمەن شەشەمىز.
الماتىدا كوپتەگەن نىساندار جەكە مەنشىكتە جانە ءاربىر مەنشىك يەسىنە زاڭدى تۇردە جۇگىنۋگە تۋرا كەلەدى. مەن عيماراتتى بۇزا المايمىن، ونى ساتىپ الا الامىن نەمەسە زاڭسىز دەپ تانيمىن. ءبىز بۇل ماسەلەنى مۇمكىندىگىنشە شەشۋگە تىرىسامىز.
مەن بۇل ماسەلەنى باقىلاۋعا الۋ ءۇشىن ورىنباسارىم اسقار امرينگە تاپسىرما بەرەمىن. اۋدان اكىمى، ققبب ماسەلەنى بىرگە قاراستىرادى، بارلىق قاجەتتى قاۋىپسىزدىك شارالارى، اسىرەسە ءورت قاۋىپسىزدىگى ءىس جۇزىندە ساقتالادى.