الماتىدا بارلىق ونەركاسىپ ورىندارى مەن بازارلار جۇمىستارىن قايتا باستادى

قالا اكىمىنىڭ ورىنباسارى ماقسات قيقىموۆ بۇل تۋرالى الماتى وڭىرلىك كوممۋنيكاسيالار قىزمەتىنىڭ بريفينگىندە مالىمدەدى، دەپ حابارلايدى almaty-akshamy.kz

ماقسات قيقىموۆ قاڭتار ايىنىڭ باسىنداعى كۇردەلى جانە ءقاۋىپتى جاعدايعا قاراماستان، قالانىڭ بيزنەس-قوعامداستىعىنا، ونەركاسىپتىك كاسىپورىندارىنا، ازىق-تۇلىك ساۋدا وبەكتىلەرىنە ءوندىرىس پەن وبەكتىلەردىڭ جۇمىس ىستەۋىنىڭ ۇزدىكسىز ۇدەرىسى ءۇشىن العىسىن ءبىلدىردى.

«بۇگىن الماتىدا بارلىق 120 ونەركاسىپتىك كاسىپورىن، 7،7 مىڭ قىزمەت كورسەتۋ نىسانى جانە 51 بازار جۇمىسىن قايتا باستادى»، - دەپ حابارلادى اكىمنىڭ ورىنباسارى.

سونداي-اق، ونىڭ ايتۋىنشا، 110 ازىق-تۇلىك ەمەس ساۋدا وبەكتىلەرىنىڭ 99-ى، 93 ساۋدا-ويىن-ساۋىق ورتالىقتارى مەن ساۋدا ۇيلەرىنىڭ 87ء-ى، 220 جقس-نىڭ 190-ى، 3 100 قوعامدىق تاماقتانۋ وبەكتىلەرىنىڭ 3068ء-ى، سونداي-اق 975 ءدارىحانا ءوز قىزمەتىن قايتا جانداندىردى.

ازىق-تۇلىك ساۋدا وبەكتىلەرى بويىنشا بۇگىنگى كۇنى قالادا 149-دان 145 (97،3%) جۇمىس ىستەيدى، قالعان ءتورت فيليال (ۇشەۋى – «ماگنۋم»، بىرەۋى – «ينتەرفۋد») 24 قاڭتارعا دەيىن قىزمەتىن قالپىنا كەلتىرۋدى جوسپارلاپ وتىر.

«الماتى وندىرۋشىلەرى مەن ق ر وڭىرلەرىنەن ازىق-تۇلىك جەتكىزۋدىڭ بارلىق ارنالارى قالپىنا كەلتىرىلدى. قالا بويىنشا ازىق-تۇلىك تاۋارلارىنىڭ تاپشىلىعى بايقالمايدى»، - دەپ اتاپ ءوتتى اكىمنىڭ ورىنباسارى.