بۇل تۋرالى الماتى وڭىرلىك كوممۋنيكاسيالار قىزمەتىنىڭ بريفينگىندە قالا اكىمىنىڭ ورىنباسارى ماقسات قيقىموۆ مالىمدەدى، دەپ حابارلايدى اlmaty-akshamy.kz
سپيكەردىڭ ايتۋىنشا، Halyk Bank تارتىپسىزدىك سالدارىنان زارداپ شەككەن ميكروبيزنەس سەكتورىنان ءوز قارىز الۋشىلارىنا زالال مولشەرىن راستاۋدى ۇسىنباستان، بيزنەستى قالپىنا كەلتىرۋگە ميلليون تەڭگە مولشەرىندە وتەۋسىز گرانت ءبولۋ تۋرالى شەشىم قابىلدادى. سونىمەن قاتار، بانك ءوز كليەنتتەرىنىڭ وسى ساناتىنا 6 ايعا دەيىنگى مەرزىمگە نەسيە تولەمدەرى بويىنشا نەسيەلىك دەمالىس بەرەدى.
«سونداي-اق Halyk Bank ءواد، «موسكۆا»، «ازيا-پارك»، «اپورت»، Promenade، Silk Way، «موبيلكا» جانە Globus ساۋدا ورتالىقتارىندا بانكتىڭ كليەنتتەرى بولىپ تابىلمايتىن ميكروبيزنەس وكىلدەرىنە قولداۋ كورسەتەدى. ولارعا قالپىنا كەلتىرۋ جۇمىستارىنا، سونىڭ ىشىندە قاجەتتى جابدىقتاردى ساتىپ الۋعا ميلليون تەڭگە اۋدارىلادى»، - دەدى اكىمنىڭ ورىنباسارى.
سونىمەن قاتار Almaty Business-2025 قالالىق باعدارلاماسىنا وزگەرىستەر ەنگىزىلەتىن بولادى.
«بىرىنشىدەن، Almaty مقۇ-دان 10 ملن تەڭگەگە دەيىن اينالىم قاراجاتىن 2%-بەن 12 ايعا دەيىنگى مەرزىمگە تولىقتىرۋعا، كەپىلگە جانە/نەمەسە «الماتى» اكك-نىڭ ءىشىنارا كەپىلدىگىنە جەڭىلدىكتى قارجىلاندىرۋ ءونىمى ەنگىزىلەتىن بولادى»، - دەپ بولىسكەن قيقىموۆ وتىنىمدەر جوبا بەكىتىلگەننەن كەيىن 6 اي ىشىندە قابىلداناتىنىن اتاپ ءوتتى.
ول تارتىپسىزدىكتەردەن زارداپ شەككەن قازىرگى Almaty Finance جانە Almaty مقۇ قارىز الۋشىلارىنا نەگىزگى قارىزدى وتەۋ بويىنشا كەيىنگە قالدىرۋ، سونداي-اق ايىپپۇلدار مەن ءوسىمپۇلداردان 180 كۇنگە دەيىن بوساتۋ بەرىلەتىنىن ايتتى. ول ءۇشىن 2022 جىلدىڭ 31 قاڭتارىنا دەيىن ءوتىنىش بەرۋ كەرەك. سونىمەن قاتار، جەكە تارتىپتە قاڭتارداعى تارتىپسىزدىكتەر مەن توتەنشە جاعداي رەجيمىن تىكەلەي نەمەسە جاناما قوزعاعان جۇمىس ىستەپ تۇرعان قارىز الۋشىلاردىڭ كرەديتتەرى بويىنشا كەيىنگە قالدىرۋ ماسەلەلەرى قارالاتىن بولادى.
«ەكىنشىدەن، Almaty Finance جانە الماتى مقۇ تاراپىنان نەسيەلەندىرۋدىڭ ەڭ ۇزاق مەرزىمى جارتى جىلعا، ياعني 90 ايعا دەيىن (بۇرىن 84 اي بولاتىن) ۇلعايتىلادى. كەپىلسىز كرەديتتەۋ بويىنشا مولشەرلەمە 12%-دان 9%-عا دەيىن تومەندەتىلەدى. قۇجاتتاردى قابىلداۋ پروسەسى جەڭىلدەتىلەدى، بۇل وتىنىمدەردى قاراۋدى ەداۋىر جىلدامداتادى جانە وسى باعدارلامانى ودان دا قولجەتىمدى ەتەدى»، - دەدى سپيكەر.
ءوتىنىشتى سايت ارقىلى بەرۋگە بولادى https://spk-almaty.kz / نەمەسە مەكەنجايى: الماتى، بايزاقوۆ كوشەسى، 303، ينۆەستيسيالار ءۇيى.