الماتى اكىمىنىڭ تاپسىرماسى بويىنشا جەرگىلىكتى بيۋدجەتتەن 10 اەك-كە جاستار پراكتيكاسى بويىنشا تولەم قوسىمشا ۇلعايتىلاتىن بولادى.
وسىلايشا، جاستار پراكتيكاسى بويىنشا جالاقى 122،5 مىڭ تەڭگەنى (40 اەك) قۇرايدى، وعان الماتى اكىمدىگى 335،3 ملن تەڭگە ءبولدى. بۇل تۋرالى وڭىرلىك كوممۋنيكاسيالار قىزمەتىنىڭ ونلاين-بريفينگىندە الماتى اكىمىنىڭ ورىنباسارى ماقسات قيقىموۆ مالىمدەدى.
«وتكەن جىلى جۇمىسسىزدىق 5،3%-دان 5،1%-عا دەيىن تومەندەدى. ەڭبەك مينيسترلىگى بەلگىلەگەن جوسپار بويىنشا 51،7 مىڭ، ءبىر جىلدا 55،5 مىڭ جاڭا جۇمىس ورنى قۇرىلدى. جۇمىسسىزدىقتى ازايتۋ بويىنشا جۇمىستار جالعاساتىن بولادى»، - دەپ اتاپ ءوتتى اكىمنىڭ ورىنباسارى.
اعىمداعى جىلى 7 ۇلتتىق جوبا (11 بيۋدجەتتىك باعدارلاما اكىمشىسى، 57 جوبا) شەڭبەرىندە 13 267 جۇمىس ورنىن قۇرۋ جوسپارلانۋدا: «ساپالى ءبىلىم بەرۋ» ۇلتتىق جوباسى – 2 393 بىرلىك (7 جوبا)، «قۋاتتى وڭىرلەر – ەل دامۋىنىڭ درايۆەرى» - 1205 بىرلىك (24 جوبا)، «كاسىپكەرلىكتى دامىتۋ» - 9 223 بىرلىك (23 جوبا)، «ورنىقتى ەكونوميكالىق ءوسۋ» - 387 بىرلىك (3 جوبا)، «ۇلتتىق رۋحاني جاڭعىرۋ» - 59 بىرلىك.
جەكە باستامالار اياسىندا 3 اكىمشى 500 جۇمىس ورنىن قۇرۋمەن 20 جوبانى ىسكە اسىرادى: تۋريزم باسقارماسى – 258 بىرلىك، «جاسىل ەكونوميكا» – 198 بىرلىك، سپورت – 44 بىرلىك.
كاسىپكەرلىك سۋبەكتىلەرى قالانىڭ 8 اۋدانىندا 30 994 جۇمىس ورنىن اشۋدى جوسپارلاپ وتىر:
الاتاۋ اۋدانى – 3800 بىرلىك، المالى اۋدانى – 4190، اۋەزوۆ اۋدانى – 4500، بوستاندىق اۋدانى – 4104، جەتىسۋ اۋدانى – 3500، مەدەۋ اۋدانى – 3700، ناۋرىزباي اۋدانى – 3400، تۇركسىب اۋدانى – 3800.
جالپى، اتالعان شارالاردىڭ ارقاسىندا كەم دەگەندە 50 مىڭ جۇمىس ورنىن قۇرۋ مىندەتى قويىلدى.
بۇدان باسقا، الماتى اكىمى باقىتجان ساعىنتايەۆتىڭ تاپسىرماسى بويىنشا جاستاردى كاسىپتىك-تەحنيكالىق دايارلاۋ جانە جۇمىسسىزداردى قايتا وقىتۋ كۇشەيتىلىپ، كەيىننەن جۇمىسقا ورنالاستىرىلادى.
ول ءۇشىن جۇمىسسىزداردى قىسقا مەرزىمدى وقىتۋ بويىنشا وقۋ باعدارلامالارى قايتا قارالاتىن بولادى (مەرزىمى – 3 اي).
«تاجىريبە كوپ بولادى، اعىلشىن ءتىلىن، جۇمىسشى كاسىپتەرىنىڭ اقپاراتتىق تەحنولوگيالارىن وقىتۋ بويىنشا ساعاتتاردى قوسپاعاندا، ءتيىمسىز ۇلگىلىك وقىتۋدان كەتەمىز. وقىتۋ پراكتيكاعا باعدارلانعان (پراكتيكا بارىسىندا تەوريانى وقىتۋ)، داعدىلارعا ۇيرەتۋگە باعىتتالعان بولادى»، - دەپ اتاپ ءوتتى م. قيقىموۆ.
كاسىپكەرلىكتى دامىتۋ جونىندەگى ۇلتتىق جوسپار اياسىندا قوسىمشا 3 اي مەرزىمگە (كەيىننەن جۇمىسقا ورنالاستىرا وتىرىپ) 20 اەك (61 260 تەڭگە) تولەمدى تولەمدى سۋبسيديالاپ، جۇمىس بەرۋشىلەردە جۇمىس ورنىندا وقىتۋ بويىنشا جاڭا تەتىك ىسكە قوسىلادى.
اعىمداعى جىلدان باستاپ جاستار پراكتيكاسى بويىنشا جالاقى 25-تەن 30 اەك-كە دەيىن (91 890 تەڭگە) ۇلعايتىلدى. بۇل جەتكىلىكسىز ەكەنىن ەسكەرە وتىرىپ، اكىمنىڭ تاپسىرماسى بويىنشا جەرگىلىكتى بيۋدجەتتەن قوسىمشا تاعى 10 اەك-كە تولەمدى ۇلعايتامىز، وسىلايشا جالاقى 122،5 مىڭ تەڭگەنى (40 اەك) قۇرايدى، وعان ءبىز 335،3 ملن تەڭگە بولدىك.
الماتى اكىمىنىڭ ورىنباسارى سونداي-اق، ەگەر بۇرىن جاستار تاجىريبەسى بويىنشا 6 ايعا جۇمىسقا ورنالاستىرۋ قاراستىرىلعان بولسا، ءقازىر ۇيىم ەرەجەلەرىنە وزگەرىستەر ەنگىزىلۋىنە بايلانىستى جولداما 1 جىلعا دەيىنگى مەرزىمگە جۇزەگە اسىرىلاتىنىن حابارلادى.
اعىمداعى جىلدان باستاپ جۇمىس ىستەيتىن مۇگەدەك ادامدارعا الەۋمەتتىك جۇمىس ورىندارىن سۋبسيديالاۋ مولشەرى 63 مىڭنان 92 مىڭ تەڭگەگە دەيىن ۇلعايتىلادى (9 اەك-كە نەمەسە 28 مىڭ تەڭگەگە، 405 ملن تەڭگە ءبولىندى).
مۇگەدەكتىگى بار ادامدار ءۇشىن الەۋمەتتىك جۇمىس ورىندارىن ۇيىمداستىرۋ ەرەجەلەرى بويىنشا سۋبسيديا تولەمى جۇمىس بەرۋشى بەلگىلەگەن جالاقىنىڭ 50% مولشەرىندە كوزدەلەدى. مۇگەدەك ادامداردى تارتاتىن بيزنەسكە جانە ۇكىمەتتىك ەمەس سەكتورعا جۇكتەمەنى ازايتۋ ءۇشىن اكىمنىڭ تاپسىرماسى بويىنشا جەرگىلىكتى بيۋدجەتتەن جالاقىنىڭ 80%-ى نەمەسە 92 مىڭ تەڭگە (91 890 تەڭگە) سۋبسيديالاناتىن بولادى.